NDAWI ENGGA 91:14 - Nanduk Ngget Tul Pidnak Wene

¹⁴ Mbal Pem Nagawan-nen yosolar-e: ”Ap an nebem inndi kundik worali nab-e an-nen inmiri yimin-o. An nimin-e: ’At iri-ge nit-nen idnak Nagawan Indo-nen yusu-o’ luk yili nab-e nggetlel unpuruk woramin-o.

NDAWI ENGGA 91:14 ပူးပေါင်းရင်းမြစ်များ

NDAWI ENGGA 91:9

Iri nggal kebem mbigit lak ma iri-ge, kat-nen Nagawan Indo iri na-ge kat kambigit yoso nap tak obosolat, Mondok Amawi Worak iri na-ge kat kura koboso nap tak obosolat kwarigen iri bem-net kwat ma-o.

YESAYA 33:16

Kit-nen nde iri kwarogola-ge, kinmiri mbarak, konak irit woragub-o. Pak arem ngenwama woragwi nggal woragolat, nunggwi mende min yi min abu lud tak ma nak woragub-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 16:27

Nde, iri yigi iri-ge, Neid at-net kit kenabuwa kaso-o. Nde, kit kenabuwa kaso iri-ge, kit-nen an nabuwa kagolat, an-e Mbal Pem Nagawan eram-nen lobok yidnak nab-o luk yebet neyagwi iri bem-net kenabuwa kaso-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

OROMA 8:28

Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

NGGALATIA 4:9

Alat nde, yawo-ge kir-e Mbal Pem Nagawan kenaru luk – are, yawo-ge Mbal Pem Nagawan-nen kit aru yij-o luk yurag-et nde – nggweyak ma kugi ndeyak, arengge lak kugi na kir-e tuguruk ndegel ubuwokluk, nden karuk eram mbururak kinndingen-a?

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.