NDAWI ENGGA 91:13 - Nanduk Ngget Tul Pidnak Wene

¹³ Kat-nen-e singa ndakngge min waro min-et nde, ebem kuwok puruk, singa ndakngge sujwe min lese min-et nde, kuwok-nen yemen tenak woragun-o.

NDAWI ENGGA 91:13 ပူးပေါင်းရင်းမြစ်များ

AYUP 5:23

Yabu kat-nen nggweyak yalugun sa-ge kerep lak wolma-o. Yi mende ndi mende erengen kege isilepma worak-nen-e kebem mbud ma bug-o.

NDANIEL 6:22

Iri yosola, Ndaniel-nen onggo yosolar-e: ”Nagawan kar-e pem irit kurug-et wolmin-o!

MARAKUS 16:18

waro lombok togolat, wat yurak wi nujwa-t nde, wat yigit lak yogolat; kugi indidnak nap tena onpogola, ki rak onpogolat iri nggal-et kwaril nuwa-o” luk yij-o.

LUKAS 10:19

Wene yu yebet ker-o. Nde, kir-e waro min kigaru min-et nde, kunuwok yemen kagolat, kit kunuwim nap enmawi lak tak pogola, it-nen andi bandi rak kinpigit lak momtak amawi-ge wok kundukmu-o.

OROMA 16:20

Nde, lambuk tak onposo elem Mbal Pem Nagawan-nen-e ndaget nak kit kunuwok ma Sere iri na yigisa keya buwa-o. Nenagawan Indo Yesus-nen we wok ondoso elem-e kit kinmin wolmag-o.

OROMA 3:13

It ontonggo lem-e ap yapma inpidnak sa tu kuwarak nggal-nen yusu-o. It enma nggwe-nen-e enesiget wene nak wirik pili-o. Lese arem woraso ninggis mende nggal iri-ge meya wene-ge it enemende bem worasu-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

1 SEMUEL 17:37

Nagawan Indo-nen isilepma worak singa min mberuang min emendam-nen perak nimiri yoso-o. Iri nggal-et Pilisin nap iri inggem-nen na nimiri-t yuwa-o” luk yij-o. Yosoloma, Saul-nen at yak tosolar-e: ”Iri ala-ge, wiril mbiri-o. Nagawan Indo-nen yongga kuruwag-o” luk yij-o.