NDAWI ENGGA 91:11 - Nanduk Ngget Tul Pidnak Wene

¹¹ Mbal Pem Nagawan-nen-e kat yik keyarok wolmakluk aid nap yak ondosola, kat mburugun sa oboksa-ge nggetlel kuburuk nuwa-o.

NDAWI ENGGA 91:11 ပူးပေါင်းရင်းမြစ်များ

NDAK WIRIDNAK WENE 28:15

Karu wolmin-o. An-nen-e kat nugun sa oboksa yongga korosolat, nggetlel kuburuk nimin-o. Nde, an-nen-e o yu me-t tuguruk kimin lobok yimin-o. An-e mondok keya kibimin pug-o. Urul yak kirigi oboksa-ge kwar-et kobosolat woramin-o” yak tij-o.

NDAWI ENGGA 34:7

Nagawan Indo-nen idnak aid nab-e Nagawan Indo inndi aye worak ereba na yik eneyarok woralat, it lak tak unpurak elem arem-nen mengga keya onposo-o.

MBIRIGA WENE 23:20

Nagawan Indo-nen yosolar-e: ”Kit mborogola, nggetlel kunpuruk mburuwakluk an-nen idnak aid nab-e nanduk kenabuwok pil lobok yumu, wok kunpuruk, o an-nen kenmanggim lud tak pigi sa kinpil mburuwa-o.

NGGOMO WENE 3:6

Kat-nen yi kwatlik ndi kwatlik kwarosolar-e, Nagawan Indo-ge meme rak purak pug-o. Iri kwarosola-ge, konak wolmomtak tula-ge at-nen mirik kubuwa-o.

YESAYA 31:1

Yongga undurak pem Mesira iri me mburuwa nab-e mondok enabuwa worag-o! It-nen inndi ebem wat tak pili-ge Mesira nap san ombo kere kura wam ombol pem kore yugwi kwarat ereba na min kura wam amawi worak ereba na min wim koma kwarat ereba na min ebem nak inndi wat tak pili-t nde, Nagawan Indo Isarael nap Enmbal Pem Nagawan mondok marak iri na ebem inndi wat tak pogolat, at-nen yongga unduwakluk nggi yak togolat yili bug-o.

YEREMIA 2:18

Nde, kat Mesira mburugundig-e, no lesa wanugun-o? Yi Nil nayekluk mburugun-a? Nde, kat Asiut mburugun iri-ge, no lesa waneyekluk mburugun-o? Yi Eperat nde nayekluk mburugun-a?

MATIUS 4:6

at yak tosolar-e: ”Kar-e Mbal Pem Nagawan Ambara nde ala-ge, kud mboksa nggweyak ma mbi-o. Nde, Mbal Pem Nagawan Engga mbarak pem-nen yosolar-e: ’Mbal Pem Nagawan-nen-e at-nen idnak nap inpil lobok yuwama, kimiri yogolar-e, kat kijog-e kerep pem pijaksa mbugun naru, it ininggi mok pem tak kubuwa-o’ luk yij-o”.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.