NDAWI ENGGA 90:8 - Nanduk Ngget Tul Pidnak Wene

⁸ Kat-nen-e nit-nen lugud tak kwarugwi ereba na waga nam tak posolat keram pusu-o. Nit-nen meya kwarugwi-ge kura ma-t nde, kat kerengen pem-e nam nak kasu-o.

NDAWI ENGGA 90:8 ပူးပေါင်းရင်းမြစ်များ

NDAWI ENGGA 19:12

Ap-nen-e it-nen meya kwatli ereba na-ge kwara kali-ge bug-o. An-nen meya kwarigi-t nde, yebet kagit lak worasu-ge kat-nen lak tak puruk, marak nibi-o.

NDAWI ENGGA 80:16

Wim nap-nen anggut uwi iri na-ge ndara keya buruk, kan piga-o. It iri-ge kat kisilepma-nen lak tak inpi-o.

NGGOMO WENE 5:21

Nagawan Indo-nen-e nggweyakma nap-nen kwatli mitli oboksa kasu-o. Nggweyakma nap-nen tu nili oboksa Nagawan Indo-ge yik eneyarok worasu-o.

YEREMIA 2:22

Kar-e kaboro marosolat sabun ondoro rak peleb-et nde, kat-nen meya kwaroso aroro-ge an nerengenma-ge nam-et kaleb-o.

YEREMIA 23:24

An-e nin me nan me mbal pem-nen na irit, nggweyak pem-nen na irit, oboksa worala me, an nerengen pem-e ap misiger-o luk mbi-nen kurak yurag-e mondok meya-nen yusu-o.

OROMA 2:16

Mbal Pem Nagawan-e Yesus Kerisut ebem-nen-e ap-nen yebet kagwi kura woraso pidsa bem enpem wene mbaruwa tarem-e an-nen aid wene yoso iri nggal ndak ndag-et tak puwa-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

1 YOANES 3:20

Nde, nit nondomok ninndi-nen meya-t kwarigen-o luk yak nondosola-ge, nit ”ninndi-nen” yebet kagwi iri-ge te-nen yuso-o. Alat nde, Mbal Pem Nagawan-e mondok terak minik nggok me, yi mende ndi mende pidsa aru-o luk nenaru yili-o.

NAM PARA WENE 20:12

Nde, an yik kaginggal-e, wat yidnak nap nggulok min marik min nagawan-nen koreyak woraso ondoro iri urugwe nggwe mendak woragola eneyagi-o. Engga kwarat ereba na punggutlug-e, engga misik, unluk nak wolmomtak engga iri na pinggirij-o. Ponggorosola-ge, at wat yidnak nap ereba na-nen it woragolat-nen kwarogolat woraidnak engga kwarat ereba na arem mbarak worasu ereba na ndak ndag-et enpem wene mbarij-o.