NDAWI ENGGA 90:10 - Nanduk Ngget Tul Pidnak Wene

¹⁰ Nit nunluk woragolar-e, olengen tuju pulu (70) nak worali-o. Nde, nit nde siyak nenmawi woragolat-nen-e olengen-e delapan pulu (80) nak worali-o. Alat nde, ereya woragolar-e, anggun panggun min andi bandi min nak worali-o. Nunluk marig-et worarug-e, nir-e mondok lak yili-o.

NDAWI ENGGA 90:10 ပူးပေါင်းရင်းမြစ်များ

NDAK WIRIDNAK WENE 47:9

Yakup-nen yosolar-e: ”An-e we waring tenak nak woralar-e, olengen-e seratus tiga pulu (130) nak worasu-o. Nde, an-nen nde nomborak-nen waring tenak woraiga olengen min nde ndak worosolar-e, it woraiga olengen-e ombol nggwe-t nde, an-e andi bandi nak woralat, olengen-e poro-t worasu-o” luk yak tij-o.

NDAK WIRIDNAK WENE 6:3

Iri kwarogola, Nagawan Indo-nen yosolar-e: ”Nggweyak ma nap yu-ge unluk nak woralik nalik wolmomtak iri-ge an-e mondok nisili-o. It yu-ge urugup worak mende mondok wat momtak mende-net nde yili-o. It yu-ge yawo kuri-nen it unluk woragolat olengen seratus dua pulu ombol nggwe nggal wolmomtag-e mondok lag-o” yij-o.

2 SEMUEL 19:35

An nuruk woralar-e, olengen delapan pulu (80) woragi-o. An nalen tak purak mende mbi worasu bug-o. An-nen nunggwi mende min yi min nasu-t nde, undu kasu bug-o. Ndawi yogola na yawo-ge kwara kulusu bug-o. An-e kat anggun panggun tak nak kibimin-o.

2 SEMUEL 19:36

Onggo iri nggal an nggal-nen wanurag-e meya-o. An-e Yi Yareren eyak ele bem we marig-et nak ndimirik kibil mbirimin-o.

1 NAGAWAN NAGAWAN-NEN KWARIDNAK WENE 1:1

Yawo Nagawan Ndaut na-ge abu mondok indi worak irit yij-o. Woralar-e, embem sum-nen ketsa ibidnag-et nde, toro-ge ebem nak irit woragij-o.

AYUP 14:10

Alat nde, ap wat yogolar-e, abu ondoro min lak yugwi-o. It wat lug-e, ngge me nde mburugwi-o?

AYUP 5:7

Mondok lag-o! Kan amare-ge kan iri na arem-net lasu iri na nggal-et ap ondomok-net lak tak unpurak mende-ge waga enpem pil lobok yugwi-o.

LUKAS 12:20

Iri peragaij-et nde, Mbal Pem Nagawan-nen at yak tosolar-e: ’Wid kindi worak wa-e. Yawo kubu-net wat yugun-o. Iri ala, kat-nen ndok wirigen mende silobulo yu-ge ta-nen nde winde ma-o?’ luk yak tij-o.

TUGURUK YIDNAK WENE 34:7

Nde, Musa-ge olengen seratus dua pulu (120) woraruk wat yij-o. Amawi na kundugu, erengen na kubulu yigit lak irit wat yij-o.

YAKOBUS 4:14

Kup-nen kenpem mbuwa mende-ge kenaru bug-o. Kit woragwi iri-ge o age yanem-et nam luk, lak yoso iri nggal-nen yusu-o.