NDAWI ENGGA 84:5 - Nanduk Ngget Tul Pidnak Wene

⁵ It enmawi-ge kat kebem-nen amawi wanili nap min ap inndi Ndobo Sion kil mbururak inndi wat tak puruk worali nap min-e enalen pem worali-o.

NDAWI ENGGA 84:5 ပူးပေါင်းရင်းမြစ်များ

NDAWI ENGGA 122:1

Ap-nen an yak norogolar-e: ”Nagawan Indo ama mburuwog-o” yogola-ge, an-e nalen kagi-o.

NDAWI ENGGA 134:1

Nagawan Indo ndegel ubugwi nap oboksa min kubu nggwe Nagawan Indo ama-nen yabu wanugwi nap min oboksa wa-e. Lobok yugupndik, Nagawan Indo erembel waner-o.

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

NDAWI ENGGA 42:4

An-e nanduk woralat, ap kwarat inmin Mbal Pem Nagawan erembel wanurak at ama mborogolat, an-e nandug-et anggul tak puruk mborosola, Mbal Pem Nagawan erembel wil wil nenalen-nen ndawi bem mburugwi ereba na nindi yebet karug-e, nindi puru kwarat yusu-o.

NDAWI ENGGA 65:5

Kat-nen nenne erep nggarosolar-e, ombol nggwe rak nonposolat, kat-nen ninmiri yosolar-e, kwiye worak mende irit kwaroso-o. Ap enlem oboksa-nen na irit, yi koma erep pem erepma ereba-nen na irit, inndi-ge kat kebem wat tak puruk woragwi-nen yusu-o.

YESAYA 45:24

Ap-nen yogolar-e: ’Nagawan Indo nak-nen ombol nggwe yugwi elem min mot mot kwarugwi elem min iri-ge wok ondoso-o’ luk yuwa-o. Alat nde, an insili rak nubugwi nap oboksa-nen an neram lobok yogolar-e, innggiri ma-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

YEREMIA 31:6

Nde, o siri yik karok pak tak woragwi nap-nen ndobo worak sa Eperaim-nen enne mbo bogolat-nen yogolar-e: ’Nagawan Indo Nenmbal Pem Nagawan eram lujwog-o’ luk yurak tarem-e mondok ndemeret wog-et ma-o” luk yij-o.

MIKA 4:2

It oboksa-nen yogolar-e: ”Isarael Embal Pem Nagawan iri na ama lagolar-e, Nagawan Indo ondobo bem lujwog-o! At-nen nit-nen kwarurak wene-ge mul nunduwa-o. Nagawan Indo-nen mul nondoso wene iri-ge Yerusalem-nen lobok yoso me, nir-e at urula nak mborogolat wulmul-o. Sion-nen at-nen-e at ilirak inmin wene yak ondoso-o” luk yuwa-o.

2 KORINTUS 12:9

Alat nde, Nagawan Indo-nen nene erep nggarosolar-e: ”Kat ndeyak yidnak pem an namawi-ge iminep mbal yusu me, an-nen idnak we wok ondoso elem-e kat kamanggim-e ndak-nen yusu-o” luk yij-o. Iri bem-e, Kerisut amawi an nebem mbumag-o luk an ndeyak yidnak pem an nindi kek tak posolar-e, an nalin nalen kasu-o.

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.