NDAWI ENGGA 84:3 - Nanduk Ngget Tul Pidnak Wene

³ An-nen idnak Nagawan, Nembal Pem Nagawan, Nagawan Indo Kamawi Worak wa-e. Towe marik towe-t nde, o misik wanij-o. Towe wamsa na uwi-ge worasur-o. Kat kamanggim kan pugwi eralu iri me unuwi arem-e enmarik piga-o.

NDAWI ENGGA 84:3 ပူးပေါင်းရင်းမြစ်များ

2 SEMUEL 15:25

Woragola, Ndaut-nen Sandok yak tosolar-e: ”Nagawan Indo-nen idnak urul pidnak wene labu mbarak iri-ge tuguruk Yerusalem pil mberer-o. Nagawan Indo-nen nde an Indingen tak nobosolar-e: ’Ndemeret tuguruk mbiri-o’ yak nuruwama, lobok yimindik, Nagawan Indo-nen idnak urul pidnak wene labu mbarak iri min at woraso o lije iri min-e kamin-er-o.

NDAWI ENGGA 116:7

Nagawan Indo-ge an nimin konak kwaroso me, an-nen-e nindi tugup lak tak puruk worasu-o.

NDAWI ENGGA 42:3

An-e kubu-nen lengge-nen yip nak tenak woralat, nunggwi mende nggal-e yip nak nok tenak worasu-o. Pempa an nuwim nap-nen kin wok nobogolar-e: ”Kembal Pem Nagawan-e ngge me worasu-o?” luk yak nererenak worali-o.

NDAWI ENGGA 43:4

Wok yimindig-e an-e an nalen tak poso elem Nembal Pem Nagawan kat kamanggim kan pugwi sa mbirimin-o. Mbirimindig-e, Mbal Pem Nagawan, Nembal Pem Nagawan wa-e. Kat kerembel wanosolat an-e ndawi yosolar-e, kecapi pobo ene rak pimin-o.

NDAWI ENGGA 90:1

Nagawan Indo wa-e. Kar-e ap pem lud woragolat nit kurak yugwi ondoro-nen yusu-o.

NDAWI ENGGA 91:1

Nagawan Indo Mondok Kek tak iri na indipma kura woragolat, Mondok Amawi Worak iri na isiyamu indipma woragolat kwatli nap-nen

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.