NDAWI ENGGA 84:1 - Nanduk Ngget Tul Pidnak Wene

¹ Mbal Pem Nagawan Mondok Kamawi Worak wa-e! Kat woraso sa iri na bem nindi kundik woraso-ge mondok ija lombog-o.

NDAWI ENGGA 84:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

NEMIA 9:6

Iri yogola, Isarael nap-nen tepan-e yu nggal yiga-o: ”Kar-e Nagawan Indo-net yusu-o. Wonaru min mbal nggwe oboksa min yi koma min o yu min ebem worasu mende oboksa min-e kat-nen ndak worak puruk, ebem-e uruk urugup worak mende pigen-o. Mbal nggwe tena woragwi amawi worak-nen na kat keram endaru yunggusa koreluk kat nak kek tak kibili-o.

NDAWI ENGGA 122:1

Ap-nen an yak norogolar-e: ”Nagawan Indo ama mburuwog-o” yogola-ge, an-e nalen kagi-o.

NDAWI ENGGA 27:4

An-nen nindi perasu-ge misiget yu nak Nagawan Indo ebem nggi yusu-o. Misiget ukwe yusu-ge yu nag-o: Nagawan Indo-nen konak nak kwat noboso elem iri na-ge an nerengen-nen kasolat, ndemel nuburuk noso elem nggi yosolat yurak pem an woralar-e, kat kama nak wolmomtak irit ukwe-o.

NDAWI ENGGA 42:1

Mbal Pem Nagawan wa-e. Urusa wam-nen yi ene worak mboroso norak indi eberek yusu iri na nggal an-e kat nere-nen nindi eberek yusu-o.

NDAWI ENGGA 43:3

Kat-nen tugup lak woraso-ge yaya rak nobosolat, ndemel nuburuk kat kondobo Sion marak iri na bem tuguruk nibil mborosolat, kat kama kat woraso sa iri na me nibil mborosolat makluk an neram pil lobok yi-o.

NDAWI ENGGA 8:1

Nenmbal Pem Nagawan, Nagawan Indo wa-e. Kat kunu-ge yi wi ndi wi wigak yusu-o. Kat-nen kek tak woraso-ge mbal kwidsa ombol nggwe-t lasu-o.