NDAWI ENGGA 80:1 - Nanduk Ngget Tul Pidnak Wene

¹ Kolomba Isarael nap Yik Eneyarok Woraso wa-e. Nenne kwara kuli-o. Yusup-nen wigarak lombo oro nggal ligik iri-ge kat-nen lit unpuruk mburusu-o. Aid nap kerup ombol pem koreyak woraso kar-e keyaya bem

NDAWI ENGGA 80:1 ပူးပေါင်းရင်းမြစ်များ

2 SEMUEL 6:2

Ndok wutlug-e, urul pidnak wene labu mbarak unu yarogolar-e, Nagawan Indo Mondok Amawi Worak aid nap ereya na bem koreyak woroso ondoro iri-ge o Mbaal-e Yewura nggweyak pem worasu iri na wil mbururak lit unpuruk mbirij-o.

2 NAGAWAN NAGAWAN-NEN KWARIDNAK WENE 19:15

tepan yosolat-nen yosolar-e: ”Nagawan Indo Isarael nap Enmbal Pem Nagawan kerup aid nap ebem koreyak woraso wa-e. Nggweyakma wi o tena worali nagawan oboksa enanggul pem o tena woraso Mbal Pem Nagawan-e kat nak-nen yusu-o. Kat nak-nen mbal min nggweyak min-e ndak worak pigenma-o.

NDAWI ENGGA 69:1

Mbal Pem Nagawan wa-e. Yi-ge kobongsa luwasolat, nurusuwak kuri yusu me, kat-nen nimiri yi-o.

NDAWI ENGGA 80:19

Nagawan Indo Mbal Pem Nagawan Mondok Kek tak Kamawi Worak wa-e. Tuguruk nanduk woragwi nggal tak ninpi-o. Kar-e kalen pem-et yik neneyasola, ninmiri worag-et wulmul-o.

NDAWI ENGGA 80:3

Mbal Pem Nagawan wa-e. Tuguruk nanduk woragwi nggal tak ninpi-o. Kar-e kalen pem-et yik neneyasola, ninmiri worag-et wulmul-o.

NDAWI ENGGA 80:7

Mbal Pem Nagawan Kek tak Kamawi Worak wa-e. Tuguruk nanduk woragwi nggal tak ninpi-o. Kar-e kalen pem-et yik neneyasola, ninmiri worag-et wulmul-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESAYA 60:1

Yerusalem wa-e. Kar-e men yosolat, yaya kwat min-o. Kat kimiri yurak yaya-ge lobok yarik, Mbal Pem Nagawan abinal-nen yaya rak, kubusu-o.

YESAYA 63:11

Iri yosola, it-nen-e Nagawan Indo ndegel poso nap Musa woragid tarem-nen woraiga ereba na inndi yebet kil mborogolat-nen yogolar-e: ”At ilirak ennggendumu enne kulugwi nab-e yi koma nggwe-t nde, lit unpuruk ndilagaid Nagawan Indo iri na-ge ngge me worasu-o? Amawi it wok indid Nagawan Indo iri na-ge ngge me nde worasu-o?

YESKIEL 1:13

Nde, urugup worak ereya na ennggendumu-ge misik mende mbi yik kasolar-e, kan ngen kere rak nggal tal amare nggal mbi ndong yigit lak, muma nggal kwat tenak woragij-o. Kanduk iri na tinggi ringgi mbarosolar-e, tinggi ringgi ereba na arem-nen-e o binel yebek mbebek tenak worala kagi-o.

YESKIEL 34:23

Nde, an-nen-e lomba ereba at nak-nen ndegel onposo nap kwat yosolat, kwara ndegel onposolat kwat tenak wolmaklug-e, an ndegel noboso nap Ndaut nggal nagawan misik lena mendak pimin-o.

NDANIEL 9:17

Nenmbal Pem Nagawan wa-e. An-nen tepan yusu min nggi yak kurusu min-e kwara kuli-o. Kat kuwi abu lak tak piga iri-ge tuguruk wiri-o. Ap oboksa-nen kar-e ndemeret Mbal Pem Nagawan-net yusu-o luk enaru yuwaklug-e, kat-nen kuwi iri-ge tuguruk koni-o.

YOANES 10:14

Lomba wam ombo konag-e an-net yusu-o. Nde, an Neid-nen an aru worasu nggal, an-nen na Neid naru worasu iri nggal-et an-nen-e an nolomba naru worasu-o. Nde, it-nen na an enaru worali-o. Nde, an nolomba enmanggim-e wat yimin-o luk perasu-o.

TUGURUK YIDNAK WENE 33:2

”Nagawan Indo-ge Sinai ndobo bem-nen lobok yosolat, mo nggal o Erom ebem yemberak pij-o. At ilirag-e ndobo Paran pem-nen yaya rak inpij-o. At imin-e aid nab-e sepulu ribu (10.000) lobok yiga-o. Nde, inggi kigit ambigir-e kan amare yosolat woragij-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

NAM PARA WENE 21:23

Nde, o siri iri me-ge Mbal Pem Nagawan abinal-nen yaya rak posolat, tal ebe-ge Lomba Wam Marik-net yusu me, o siri iri me-nen-e mo min waneya min eyaya ukwe-ge mondok lag-o.

1 SEMUEL 4:4

Iri lug-e, Nagawan Indo-nen idnak urul pidnak wene labu mbarak iri na-ge Silo iri me wil mbururak ap enpem pikma, Nagawan Indo Kek tak Amawi Worak iri na koreyak woraso ondoro nggal kwasa o Silo-nen waruk lobok yogola-ge, Eli elirak Opni min Pineas min-e urul pidnak wene labu mbarak waruk lobok yili iri na inmin-et waruk lobok yiga-o.