NDAWI ENGGA 8:1 - Nanduk Ngget Tul Pidnak Wene

¹ Nenmbal Pem Nagawan, Nagawan Indo wa-e. Kat kunu-ge yi wi ndi wi wigak yusu-o. Kat-nen kek tak woraso-ge mbal kwidsa ombol nggwe-t lasu-o.

NDAWI ENGGA 8:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:27

Alat nde, Mbal Pem Nagawan wa-e. Kar-e ndemeret nggweyakma yu me ndak woragun, lak? Mbal pem oboksa-t nde kat wolmomtak kondoro-ge meya yusu yu-t nde, kat kerembel wanurak uwi an-nen wirigi yu arem-e nggesa-nen ndak woragun-o?

NDAWI ENGGA 145:1

Nembal Pem Nagawan min an-nen idnak nagawan min wa-e. An-e kat nak kek tak kobosolat, kat nak kerembel wanosolat pem irit woramin-o.

NDAWI ENGGA 148:13

It oboksa-nen Nagawan Indo unu nak kek tak pogolat wolmag-o. Ap unnu oboksa teberak puruk, at unu nak mondok terak minik kek tak me, at anggu obog-e mbal min nggweyak min ombol nggwe-t lasu-o.

NDAWI ENGGA 63:1

Mbal Pem Nagawan wa-e. Kar-e an Nembal Pem Nagawan-nen yusu-o. An nindi-ge kar-et keberagirik, kogore yusu-o. Nggweyak amburu lak sa-nen yi kilik purak ukwe worasu iri nggal an-e kat nere-nen nindi eberek yusu-o.

NDAWI ENGGA 8:9

Nagawan Indo, nit Nagawan Indo wa-e. Kat kunu-ge yi wi ndi wi wigak yusu-o!

NDAWI ENGGA 84:1

Mbal Pem Nagawan Mondok Kamawi Worak wa-e! Kat woraso sa iri na bem nindi kundik woraso-ge mondok ija lombog-o.

MBIRIGA WENE 15:11

Nagawan Indo kabinal worak kek tak wa-e. Nin Mbal Pem Nagawan ngge nggal-nen kat kimin ndak wuruwa-o? Nagawan Indo kat-nen kwiye worak mende min wi yurak mende min kwarusu yeba nggal-e ta nggal-nen kwaruwa-o?

ABAKUK 3:3

Mbal Pem Nagawan-e Mondok Marak kar-e Teman nggwe min ndobo worak Paran nggwe min-nen lobok yusu-o. Nde, mbal-e kat-nen kek tak woraso-nen muruk tak worasu-o. Nde, nggweyakma yu me-ge kat kerembel wanugwi elem-nen kobong tak worasu-o.

MATIUS 22:45

Nde, Ndaud-nen at imin-e ’An-nen idnak Nagawan Indo-o’ luk yidnak nde ala-ge, at Kerisut iri-ge nggesa-nen Ndaud ambara-o yurag-o?” luk yij-o.

YOANES 20:28

Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

EPESUS 4:10

Nde, mbuwagaid nap iri na-t mbal oboksa ombol nggwe terak menna lagaid iri-ge, yi mende ndi mende oboksa at-net ndak ndak tak peyekluk-nen lagaij-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

IBERANI 7:26

Nde, nit nentepan ombo nggulok iri-ge Yesus at irit nindingen kali-o. At iri-ge mondok mbek tak woraso nap, lugud tak kwaroso buk, meya mbi mondok kwaroso buk nap-nen yusu-o. At na-ge meya yogolat woragwi nap inmin-e erep kundig-e lak, arik lenak me, ar-e mbal tap ombol nggwe kek tak pidnak nap-nen yusu-o.

NAM PARA WENE 19:6

Iri yosola, an kuliginggal-e, ap kwarat kamarak enne-ge yi ebe wasolat enne lu nggal, o nggu lunggu mborosolat nggal irit kuligi-o. It-nen yogolar-e: ”Nit-nen idnak Mondok Amawi worak Mbal Pem Nagawan, Nagawan Indo iri-ge nit Nenagawan kwat yid me, Mbal Pem Nagawan nak erembel wanuwog-o!