NDAWI ENGGA 73:28 - Nanduk Ngget Tul Pidnak Wene

²⁸ Alat nde, an perak nde Mbal Pem Nagawan eram wolmomtag-e mondok konak lombog-o. Nagawan Indo Mbal Pem Nagawan-e an-nen-e an kurak yoso nondoro rak pusu-o. Iri kwarusu iri-ge at-nen kwaroso wene-ge an-nen wigareyekluk-nen kwarusu-o.

NDAWI ENGGA 73:28 ပူးပေါင်းရင်းမြစ်များ

NDAWI ENGGA 107:22

It-nen at wiwa-o yak togolar-e, at amanggim pugwi mende pogolat, at-nen kwat onposo-ge enalen kagolat-nen yugwi ndawi bem wigarurag-e ndak-net yusu-o.

NDAWI ENGGA 116:7

Nagawan Indo-ge an nimin konak kwaroso me, an-nen-e nindi tugup lak tak puruk worasu-o.

NDAWI ENGGA 118:17

An-e mondok wat yimin pug-o. Are, nuruk irit woralar-e, Nagawan Indo-nen kwaroso wene ereba na wigarosolat woramin-o.

NDAWI ENGGA 14:6

Meya yugwi nap-nen-e insilobulo lak nap enabuwok tu ngguluwa-t nde, Nagawan Indo-ge it nggetlel onposo nap kwat yusu-o.

NDAWI ENGGA 40:5

Nagawan Indo Nembal Pem Nagawan wa-e. Kat-nen-e kwarat kwat nonposo-o. Kat kimin ndak ndak wururag-e mondok lak-nen yusu-o. Kat-nen nit kwat nunpurak yusu-ge mondok wi yurak me, an-nen oboksa ndindururak na mondok meya-o.

NDAWI ENGGA 65:4

Kat kama wolmakluk, kat-nen wene mbo uburuk lenak ibigen nab-e alen kasolat wolmag-o. Kat woraso sa kat kama marak iri na me woraso konak mende ereba na bem-nen nenpem yamuk tak pusu-o.

NDAWI ENGGA 84:10

Seribu hari nin me wolmomtag-e ob-et nde, misik tarem nak kat kama wolmomtak iri-ge konak lombok-nen yusu-o. Meya yugwi nap enma wolmomtak nggal, Nembal Pem Nagawan uwi tu mende yik karok woraso nap kwat yurak perak an-e nindingen-o.

YAKOBUS 4:8

Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

1 SEMUEL 14:36

Iri luk Saul-nen at imin nugwi nap ereba na yak ondosolar-e: ”Yawo kubu yu-t Pilisin nap enpem kore yil mbogolar-e, enarengge ndena wanogolat enpe oboksa ondogolat worakmu o nda mag-o” yosoloma, it-nen erep nggarogolar-e: ”Nonowe nagawan kat-nen yigen irit kwaruwog-o” yiga-t nde, tepan ombo-nen yosolar-e; ”Nandug-er-e Nagawan Indo indi-n pidnak mirik nunpuwak-nen nggi yuwog-o” luk yij-o.