NDAWI ENGGA 73:24 - Nanduk Ngget Tul Pidnak Wene

²⁴ Konggomo bem-net tu mirik nobosolat, kek tak nobosolat-net abok wok nubugun-o.

NDAWI ENGGA 73:24 ပူးပေါင်းရင်းမြစ်များ

NDAWI ENGGA 16:7

An-e nggomo noroso Nagawan Indo nak erembel wanusu-o. Kubu nggwe min-et an nindi-nen-e nggomo nurusu-o.

NDAWI ENGGA 32:8

Nagawan Indo-nen yosolar-e: ”An-nen-e kat-nen mbururak tula mirik kobosolat, an-nen nggomo korosolat-nen an nerengen-e kebem-et woramin-o.

NDAWI ENGGA 49:15

Alat nde, Mbal Pem Nagawan-nen wisirik nubuwa-o. Wat yugwi elem inggem-nen nimiri yuwa-o.

NDAWI ENGGA 84:11

Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.

NGGOMO WENE 8:20

An-e lud tak kwarugwi nggwe-t mboroso-o. An-e mot mor-et kwarugwi nggwe-t mboroso o.

YESAYA 58:11

An-nen-e pempa lit kunpuruk nosolat, nggweyak le rak pem-et nde, kinmbitsa mak kondosolat woramin-o. Kenmawi min kenpem mbenag-et worabokluk yik keneyarok woramin-o. Kir-e yi worak ma engen amare worak yagidnak yabu nggal woragolat, yi ulusu eberek yoso buk nggal woragolat yugub-o.

YESAYA 58:8

Iri kwarogola-ge, o kil posola yaya pusu iri nggal yaya rak konposolat, kit-nen idnak ud ereba na ndag-et nak ambut yosolat, an-e pempa kinmiri yosolat kinmin irit woramin-o. An nggetlel kunpuruk woralar-e, mondok kinminep leget wa kunpuruk woramin-o.

WONARIDNAK WENE 9:22

Nggan nggan iri na nde Nagawan Indo uwi lije iri na anggul pem woralat, mberen tarem ala na, waneya misik ala na, olengen misik ala na, are, misik ombol nggwe terak menna ala na, nggan nggan na nde iri me-t worala-ge, ir-e iri na me-t woragwi-o. Alat nde, nggan nggan iri na posokluk mborosola-nen perak ir-e mburugwi-o.

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

LUKAS 23:46

Yesus na ene nggoksa yosolar-e: ”Neid wa-e. An nindi-ge kat kinggem pusu-o” yuruk, wat yij-o.

YOANES 14:3

Nde, an mbirimindik, kit kondoro kona keya buruk, an woramin sa iri me kit na iri me-t worabokluk, tuguruk kit wok kinpil lobok yimin-o.

YOANES 16:13

Alat nde, Konak Indi na lobok yuwarig-e, lud tag-et Mbal Pem Nagawan mirik konposolar-e, lud tak nak kwarugwi mende pidsa mirik kunpuwa-o. Nde, at indi-n pidnak wene-ge yak kunduwa bug-o. Are, at-nen kulidnak wene nak yak kondosolat, abok-nen kwat momtak wene nde yak kondosolat ma-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YIDNAK YIDNAK WENE 7:59

Nde, it na-nen kerep pem Sepanus worogola ereya na-net at-nen tepan yosolar-e: ”Nagawan Indo Yesus wa-e. An nindi-ge kat wani-o” luk yij-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.