NDAWI ENGGA 73:15 - Nanduk Ngget Tul Pidnak Wene

¹⁵ An-nen nde wene iri nggal yosolat nggal-e, kat kilirak enare posolat-nen yeleb-o.

NDAWI ENGGA 73:15 ပူးပေါင်းရင်းမြစ်များ

NDAWI ENGGA 14:5

Mbal Pem Nagawan-e at-nen yidnak yidnak kwarugwi nab-e inmin worasola, meya yugwi nab-e kwiye kwarat yuwa-o.

NDAWI ENGGA 22:30

Ap it inmbirik unluk wolma nap-nen-e Nagawan Indo at nak kek tak obogolat wolma-o. At owene-ge ap pem lud-nen wigarogolat wolma-o.

NDAWI ENGGA 24:6

Iri kwarugwi nab-et Mbal Pem Nagawan eram lobok yogolat, Yakup Embal Pem Nagawan erembel wanogolat yuwa-o.

MALEAKI 2:8

Alat nde, yawo-ge kit tepan ombo-nen-e ndemeret mot mot kwarugwi keya buruk, lugud tak nggwe mbitli-o. Iri kwarogolat, kit-nen mul undugwi wene iri na-nen-e ap kwarat mberena meya kwarugwi rak inpili-o. Kit-nen-e an-nen kinmin urul pigi iri na-ge meya rak pigeb-o.

OROMA 14:15

Nde, kat-nen nunggwi mende bem Kerisut ebem kanggam mbi indi abi meya rak posola-ge, at abuwa kasolat-nen yusu-ge lag-o. Kerisut-e ap iri amanggim wat yidnak me, kat-nen nunggwi mende bem at are purak pug-o.

OROMA 14:21

Kerisut ebem kanggamirak meya rak inpimin naru, ino min anggut engen amburu min nasolat, enare purak mende erep min kwarosolat yigit lak yurak iri-ge mondok konag-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 SEMUEL 2:24

Nambararag-o. Kir-e ereba nggal-e tuguruk kwarurak pug-o. Nagawan Indo ilirak-nen konpok pili iri-ge mondok meya-t kwarogola-nen yili-o.