NDAWI ENGGA 72:15 - Nanduk Ngget Tul Pidnak Wene

¹⁵ Nagawan iri-ge urug-et wolmag-o! Arap-nen waruk lobok yidnak emas irit wok tuwag-o. Ar-e pempa pempa amanggim tepan yogolat, pempa imbiringgat tak nak obogolat wolmag-o!

NDAWI ENGGA 72:15 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 10:10

Iri yosoluk yarig-e, o Seba kwe nagawan iri na-nen-e at-nen waruk lobok yid mende ereba na-ge we irit Salomo wok tij-o. Nde, wok tosolar-e, emas angin empat ribu (4.000) kilogram ombol nggwe min kerep abinal worak kwarat min nunggwi mende undu rak pugwi mende ereba na min oboksa Salomo eram nak kegera keya bij-o. Nde, nunggwi mende undu rak pugwi mende o Seba kwe nagawan iri-nen wok tid kwarat ereba na nggal-e Salomo worasolar-e, ereba na nggal mbi erengenma yoso bug-et nde, wok tij-o.

1 NAGAWAN NAGAWAN-NEN KWARIDNAK WENE 10:14

Pempa olengen ndak wosa olengen misik arem-e Salomo wok togolar-e, emas angin dua ribu tiga ratus (2.300) kilogram irit wok togolat woraiga-o.

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

YESAYA 60:6

Unta wam-e Mirian min Epa min nggwe-nen waruk lobok yogolat, kit kunuwi nggweyag-e yebet ma-o. Nde, o Seba-nen-e emas min emben konak kemenan min waruk lobok yogolar-e, Nagawan Indo-nen kwarusu ereba na bem Nagawan Indo erembel wil wil lobok yogolat-net waruk lobok yuwa-o.

MATIUS 2:11

O ma iri nggwiganggal-e, la marik na ija Maria imin worasoma, kaiga-o. Karug-e, la iri na eram tud luk, at erembel waniga-o. Iri rak purug-e, it insilobulo yarak woraso unsum munen-e emas posid min kemenyan emben worak amburu min mut emben worak amburu min kenangga we irit wok tiga-o.

MATIUS 21:9

Iri luk, at mborosola imin anggul mbitli nap min abok mbitli nap min-nen enne ngguloksa-t yogolar-e: ”Ndaud Ambara nak kek tag-o! Nagawan Indo unu bem lobok yusu nap yu-ge imbiringgat worak-nen yusu-o! At woraso sa mondok teram iri me-nen na at nak kek tag-o!” luk yiga-o.

MATIUS 6:10

Kat-nen tenagaidnak wi iri lobok yuwag-o. Aid arem-nen kat kindi-n pidnak kwatli nggal, nggweyak ma-nen na irit kwaruwag-o.

YOANES 11:25

Yosoloma-ge, Yesus-nen Marata na yak tosolar-e: ”Unluk tak onposo elem min unlug-et wolmomtak elem min-e an-net yusu-o. Inndi-ge an nebem angin tubu yuwa nab-e wat ma-t nde, unlug-et ma-o.

YOANES 14:19

Siyag-et nak worarug-e, nggweyak ma nap-nen-e an niyujwa bug-et nde, kit-nen perak nde an neyagub-o. Nde, an-e nurug-et worasu me, kit na irit kunlug-et woragub-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

PILIPI 2:11

it ondomok enmende nggwe-nen para yogolar-e: ”Yesus Kerisut yu-ge Nagawan Indo-nen yusu-o” luk yogolat-nen-e Nineid Mbal Pem Nagawan unu kek tak puwa-o.

1 TESALONIKA 3:11

Nineid Mbal Pem Nagawan at-nen na, Nenagawan Indo Yesus-nen na kit kendam lobok yuwok-nen tu mirik nunpuwag-o.

2 TIMOTIUS 4:22

Nagawan Indo-ge kat kindi imin wolmag-o. Nde, Mbal Pem Nagawan-nen we wok ondoso elem-e kit pidsa kinmin wolmag-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

1 YOANES 1:2

Urug-et woraso iri-ge ap-nen kujwakluk nam tak posola-ge, nit-nen kaige-o. Iri bem-e, at owene iri yak kondogolat, Eid imin woraso pem-et urug-et woralik nalik wolmomtak elem nit ninmbiri bem nam tak pid iri na kenggel kondogolat yili-o.

YURAS 1:25

arig-et woraso Mbal Pem Nagawan, nit Ninmiri Yoso Nap iri amanggim-e nit Nenagawan Indo Yesus Kerisut na ebem-nen-e abinal min kek tak woraso elem min amawi elem min at-nen tenagoso elem min-e obi ereba kuri-net, yawo-nen na, woragolat nagolat na at amanggim-et wolmag-o. Amen.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.