NDAWI ENGGA 72:12 - Nanduk Ngget Tul Pidnak Wene

¹² Nagawan na-ge anggun panggun arem woragolat it-nen wanurak meya worali nap min insilobulo lak nap min-nen at eram wene pil lagola, yongga undusu-o.

NDAWI ENGGA 72:12 ပူးပေါင်းရင်းမြစ်များ

2 SEMUEL 14:16

Nde, an-nen yebet kasolar-e, ap iri-nen an nambara min nundurak tu kore yusu-t nde, kat-nen-e an-nen nggi yak kirigi wene kuluruk ninmiri-t yugun-o luk yebet kasu-o. Nde, at-nen yebet kagolar-e, Mbal Pem Nagawan-nen at ilirak tembesa wok indidnak nggweyak iri na me-nen wirik inpimin-o luk yebet kasu-o.

NDAWI ENGGA 102:17

At-nen-e at ilirak pul yidnak woragwi ereba-nen tepan yidnak kolosolat, it-nen nggi yidnag-e ene kola keya buwa bug-o.

NDAWI ENGGA 102:20

Iri kwarusu iri-ge o kubu me worasolat, enarem yip tili nap enne kolosolat, unduwokluk o kubu me inpidnak nap wisirik onposolat yurak pem-nen kwarusu-o.

NDAWI ENGGA 72:4

Nagawan-nen-e at ujokma woragwi nap onowene-ge mot mor-et mbenarosolat, insilobulo lak nap yongga ondosolat it anggun panggun tak unpugwi nap na lak tak onposolat mag-o.

YESAYA 41:17

An nelem nap inmbiri lamut iri-nen yi kore yogolat, yi nere-nen enma umbuk yosolat kwarogola-ge, Nagawan Indo an-nen-e it-nen tepan yuwa-ge enne ereb-e nggarimin-er-o. Isarael nap Enmbal Pem Nagawan an-nen-e it keya inpimin pug-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

LUKAS 7:22

Iri lug-e, Yesus-nen it yak ondosolar-e: ”Kenlengen-nen kaidnak nde keneyanggo-nen kulidnak nde Yoanes na yak til mberer-o. Enlengen ngguru nap enlengen kuwarak posolat; onowak wat yidnak nap na tula nugwi rak onposolat, mbijap nggal enpem mbidnak nab-e ambut tak onposolat, eneyanggo lak nap-nen wene kologolat; wat yidnak nap unluk tak onposolat; insilobulo lak nab-e aid wene mul ondosolat, yosola kaige-o luk yak ter-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.