NDAWI ENGGA 69:4 - Nanduk Ngget Tul Pidnak Wene

⁴ Erem lakma insili rak nibili nab-e enpe-ge an nanggulsu nggal-e lag-o. Terak minik kwarat-net yili-o. Ap enmawi worak an lak tak nuburak pem ennesiget wene nebem pili-o. Yariya wanigit lag-et nde, enne amawi bem watsa ”Uwi yagi-o” yak norogola, narengge poso-o.

NDAWI ENGGA 69:4 ပူးပေါင်းရင်းမြစ်များ

NDAWI ENGGA 40:12

An-e lak tak onposo mende mondok kwarat, wonarurak puk-nen lop lop nerarik worasu-o. An-nen meya yoso ereba na-nen muk neyasola, an-nen yik kudtag-e meya-o. Nde, an meya yoso ereba wonarag-e an nanggulsu nggal-e lak, mondok terak minik kwarat me, an nindi engga nggwe mburusu-o.

YOANES 15:25

Nde, iri kwat ninpili iri-ge it-nen idnak imiri mbarak pidnak wene bem-nen yosolar-e: ’Elem lag-et nde, insili rak nibiga-o’ luk yid iri na ndak ndak tak pogolat-nen kwat ninpili-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

1 PETERUS 2:22

At iri-ge meya mbi kwaroso buk, at emnde nggwe-nen enesiget wene mbi wirik poso bug-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.