NDAWI ENGGA 67:7 - Nanduk Ngget Tul Pidnak Wene

⁷ Mbal Pem Nagawan-nen-e imbiringgat tak ninpidnak pem yi wi ndi wi oboksa-nen at nak kek tak obogolat wolmag-o.

NDAWI ENGGA 67:7 ပူးပေါင်းရင်းမြစ်များ

NDAWI ENGGA 22:27

Ap enlem oboksa-nen Nagawan Indo yebet karug-e, nden karuk tuguruk at eram lobok yogolar-e, ap enne lombok oboksa-nen at eram yunggusa tud luk at nak erembel wanuwa-o.

NDAWI ENGGA 33:8

Nggweyak yu ebem woragwi nap-nen-e Nagawan Indo nak aye kagolat wolmag-o. Nggweyakma nap oboksa-nen Nagawan Indo nak kek tak pogolat wolmag-o.

NDAWI ENGGA 65:5

Kat-nen nenne erep nggarosolar-e, ombol nggwe rak nonposolat, kat-nen ninmiri yosolar-e, kwiye worak mende irit kwaroso-o. Ap enlem oboksa-nen na irit, yi koma erep pem erepma ereba-nen na irit, inndi-ge kat kebem wat tak puruk woragwi-nen yusu-o.

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

YESAYA 43:6

An-nen-e abare abam (utara) nggwe min abare ena (selatan) nggwe min yak tosolar-e: ’An nilirag-e pem tena unpuruk wolmomtak pug-o. Ndag-et nak lera keya enper-o’ yimin-o. An nambararag-e erepma-nen lobok yogolat, an nararag-e nggweyak erep yoboksa-nen lobok yogolat ma-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YESAYA 52:10

Nagawan Indo-nen-e at-nen idnak amawi-ge ap enlem oboksa inmbiri bem nam tak pusu-o. Nam tak posola-ge, yi wi ndi wi oboksa-nen nit Nenmbal Pem Nagawan-nen ninmiri yoso elem iri na-ge kujwa-o.

MIKA 5:4

Nde, at-nen-e yamuksa woragwi elem wok unduwa-o.

SAKARIA 9:10

Nagawan Indo-nen yosolar-e: ”Eperaim nap-nen idnak wim nggugwi koma-ge an-nen mbo bimin-o. Yerusalem woraso kura wam-e an-nen lak tak posolat, mingin mare oboksa an-nen yigisa keya bosolat kwarimin-o. Kit-nen idnak nagawan-nen-e yi nap ndi nap enlem oboksa inmin kundik lambuksa wolmomtak wene wirik puwa-o. Yi wi ndi wi oboksa min Yi Eperat kuri-nen mberarik, o kuri ap kuri oboksa at-nen nak tena wolma-o” luk yij-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

YIDNAK YIDNAK WENE 13:26

Nanggamirak, Abaram-nen wigarak nap min kit Mbal Pem Nagawan aye worak nap pidsa min wa-e. Ninmiri yurak wene yu-ge nit nendam-et pil lobok yij-o.

YIDNAK YIDNAK WENE 13:47

’Kar-e enlem nin nap eyaya rak onponokluk, imiri yurak wene waruk o kuri ap kuri mboronok-nen lenak kibigi-o’ luk Nagawan Indo-nen nenpem pamu-o” luk yiga-o.

YIDNAK YIDNAK WENE 2:28

Unluk wolmomtak tula na mul nirigen-o. Kat woraso sa worala-ge, nalen-e kobongsa wok nurugun-o’ luk irit yij-o.

NGGALATIA 3:14

Mbal Pem Nagawan-nen Abaram urul yak tidnak imbiringgat mende iri-ge Kerisut Yesus ebem-nen enlem nin nap wok unduwakluk, nit-nen na ninndi angin tubu yidnak pem Mbal Pem Nagawan-nen urul pidnak Konak Indi wanuwakluk, Kerisut-e imbiri lamut agaid irir-o.

NGGALATIA 3:9

Abaram na at indi angin tubu yidnak pem inbiringgat worak woragaid na nggal, iri nggal-et inndi angin tubu yuwa nab-e inmbiringgat worak nab-et wolmar-o.

NAM PARA WENE 15:4

Nagawan Indo wa-e. Kat kaye kaso buk nab-e ta-o? Kat kunu kek tak purak isili yusu nab-e ta-o? Kat karig-et nak lenak kek tak woraso-nen yusu-o. Kat-nen lud tak nak kwaroso iri-ge ap oboksa-nen nam-et nak kali me, ap enlem oboksa kat keram lobok yuwarik, kat kerembel wanuwa-o” luk yiga-o.