NDAWI ENGGA 67:4 - Nanduk Ngget Tul Pidnak Wene

⁴ Kat-nen mot mor-et tena unpuruk woralat, nggweyakma woragwi nap enlem oboksa lit unpuruk nusu iri na bem-e ap enlem oboksa enalen-nen ndawi yogolat, enalin enalen pem enne nggu lek kagolat wolmag-o.

NDAWI ENGGA 67:4 ပူးပေါင်းရင်းမြစ်များ

NDAK WIRIDNAK WENE 18:25

Lud tak kwarugwi nab-e lugud tak kwarugwi nap inmin undurag-e mondok meyog-o, Nagawan Indo wa-e. Nagawan Indo-nen nde lak tak onposolar-e, lud tak kwarugwi nab-e ndemeret lugud tak kwarugwi nap inmin-et lak tak unpugun me, mondok meyog-o. O yu oboksa enpem Wene Mbenaroso-nen-e wene kasa lugud tak enpem mbarurag-e meya-o” luk yij-o.

NDAWI ENGGA 2:8

Nggi yi-o. Ap enlem oboksa an-nen kegera kinggem pimin-o. O yu oboksa an-nen kat karengge rak pimin-o.

NDAWI ENGGA 96:10

Ap enlem oboksa yak ondogolar-e: ”Nagawan Indo iri-ge nagawan-nen yusu-o! O yu-ge sil kudtak puk, tugup lak-nen yusu-o. At-nen ap enlem oboksa enpem wene mbenarosolar-e, mot mot pem-et mbaruwa-o” luk yak ender-o.

YESAYA 54:1

Yerusalem wa-e. Kar-e nandug-e li ndakit lak, kweyap ibiri nggal woraigenma-o. Alat nde, yawo-ge kar-e kalen pem kene lek kasolat, ndawi yi-o! Kweyap ununtak-nen keya inpigit lak inlirag-e kwarar-et nde, kat kilirag-e terak minik kwarat ma-o.

YESAYA 55:4

Ap enlem erep-nen an namawi iri na at ebem kujwaklug-e, an-nen-e Ndaut iri-ge ndemeret nagawan tak posolat, san ombo onowe rak posolat kwarukmu-o.

YESAYA 60:6

Unta wam-e Mirian min Epa min nggwe-nen waruk lobok yogolat, kit kunuwi nggweyag-e yebet ma-o. Nde, o Seba-nen-e emas min emben konak kemenan min waruk lobok yogolar-e, Nagawan Indo-nen kwarusu ereba na bem Nagawan Indo erembel wil wil lobok yogolat-net waruk lobok yuwa-o.

YIDNAK YIDNAK WENE 17:31

Nde, at-nen-e ab-e ap pidsa enpem wene lud tak nak mbarurak tarem-e ndak worak pidnak worasu-o. Nde, ap enpem wene mbaruwakluk at-nen-e ap misik mendak pij-o. Iri yidnak nab-e wat yidnak nap ennggendumu-nen uruk tak pamu me, nenpem wene mbaruwa-o luk ap pidsa enaru rak pij-o” luk yij-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

NGGALATIA 4:27

Mbal Pem Nagawan engga bem-nen yosolar-e: ”Kwe wubiri yu-ge wa-e. Kalin kalen ki-o! La yane woroso buk kwe wa-e. Kalen-nen kum mbo bi-o! Un-nen keya bidnak kwe-nen-e li kwarat ndaguwa-o. Nde, at un imin woraso kwe-nen-e li-ge wonarak nggal ndaguwa-o” luk yij-o.

TUGURUK YIDNAK WENE 32:43

Ap enlem oboksa wa-e. At ilirak indili nab-e oboksa undusu me, Nagawan Indo ilirak entembel waner-o. At uwim nap-nen kwat ibidnag-e onggo posolat, nde, at ilirak-nen meya yidnag-e amberam tak pusu-o” luk yij-o.