NDAWI ENGGA 65:5 - Nanduk Ngget Tul Pidnak Wene

⁵ Kat-nen nenne erep nggarosolar-e, ombol nggwe rak nonposolat, kat-nen ninmiri yosolar-e, kwiye worak mende irit kwaroso-o. Ap enlem oboksa-nen na irit, yi koma erep pem erepma ereba-nen na irit, inndi-ge kat kebem wat tak puruk woragwi-nen yusu-o.

NDAWI ENGGA 65:5 ပူးပေါင်းရင်းမြစ်များ

NDAWI ENGGA 107:23

Ap ereb-e koma bem yi koma ombol pem mborogolar-e, yi koma nggok ma sa it norak mende kore yil mburugwi-o.

NDAWI ENGGA 145:17

Nagawan Indo-nen kwaroso mende oboksa bem-e mot mot nak kwarosolat, at-nen kwaroso mende oboksa bem na enabuwa bem-et kwaroso-o.

NDAWI ENGGA 22:27

Ap enlem oboksa-nen Nagawan Indo yebet karug-e, nden karuk tuguruk at eram lobok yogolar-e, ap enne lombok oboksa-nen at eram yunggusa tud luk at nak erembel wanuwa-o.

NDAWI ENGGA 84:5

It enmawi-ge kat kebem-nen amawi wanili nap min ap inndi Ndobo Sion kil mbururak inndi wat tak puruk worali nap min-e enalen pem worali-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YESAYA 60:5

Iri kwasa lobok yogola eneyarug-e, wi luk, kinmbiriwak min yek ma-o. Kenalen-nen kinndi min purung purung ma-o. Enlem nin nap insilobulo-ge kendam waruk lobok yogolat, yi koma inggi ponok ereba woraso silobulo-t nde, kit kendam mondok kobong ma-o.

YESAYA 66:19

Nde, an-nen-e yenggerak purak mende mbi it ennggendumu pimin-o. It ennggendumu enpe marig-et nggal-e inmiri yimin-o. Nde, it iri-ge yi nap ndi nap enlem o erepma worali, an nobok na kulugwi buk, an-nen kek tak woraso na kulugwi buk, an namawi na kagwi buk ereba ennggendumu wirik onposolar-e: Tarisis wirik onposolat, Libia wirik onposolat, nde, Liria wirik onposolar-e, ap ininggi mbuk lembe min-et wirik inpimin-o. Tubal nggwe wirik onposolat, Yunani nggwe wirik onposolat kwarimin-o. Iri yumu-ge it-nen-e an nobog-e it enlem ereba ennggendumu wigaruwa-o.

SAKARIA 9:10

Nagawan Indo-nen yosolar-e: ”Eperaim nap-nen idnak wim nggugwi koma-ge an-nen mbo bimin-o. Yerusalem woraso kura wam-e an-nen lak tak posolat, mingin mare oboksa an-nen yigisa keya bosolat kwarimin-o. Kit-nen idnak nagawan-nen-e yi nap ndi nap enlem oboksa inmin kundik lambuksa wolmomtak wene wirik puwa-o. Yi wi ndi wi oboksa min Yi Eperat kuri-nen mberarik, o kuri ap kuri oboksa at-nen nak tena wolma-o” luk yij-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

TUGURUK YIDNAK WENE 10:21

Ar-e kit Kenmbal Pem Nagawan me, at nak erembel wanurag-o. Nde, kit yongga kondosolar-e, at-nen kwiye worak, wi yurak mende kwarij-e kondomok kenlengen kit-nen kaigep iri nar-o.

TUGURUK YIDNAK WENE 4:34

Are, Nagawan Indo Kenmbal Pem Nagawan-nen Mesira-nen kit kwat kinpid iri nggal mbal pem nagawan misik mbi-nen yi nap ndi nap ennggendumu-nen ap elem mbi lesa wok unpuruk at elem nap tak inpidnak mbi worali, lak? Alat nde, Mbal Pem Nagawan amawi bem-nen kwarosolar-e, lak tak onposo mende bem-nen na, wim pem-nen na, kwiye worak nin tak nan tak amawi bem-nen kwarusu-ge kenlengen-nen kali irir-o.

NAM PARA WENE 16:5

Iri yosola, an kuliginggal-e, yi tena wolmomtak amawi wok tidnak aid nap iri-nen yosolar-e: ”Nanduk na woraso, yawo na worasu Mondok Lenak Woraso Mbal Pem Nagawan wa-e. Kat-nen angin worak mende mberak pigen iri-ge mot mor-et kwarigen-o!