NDAWI ENGGA 51:7 - Nanduk Ngget Tul Pidnak Wene

⁷ Masa labuk yek-nen marak nibi-o. Mondok loro mbek yaga labuk yek-nen masa keya nibi-o.

NDAWI ENGGA 51:7 ပူးပေါင်းရင်းမြစ်များ

AYUP 14:4

Meya kwarugwi nap-nen-e konak iminep mbarak mende mbi-ge mondok kwarugwi bug-o.

MBIRIGA WENE 12:22

Kir-e isop angga ambuk misik wanuruk, lomba wam eyabi kenanggo iri arem pil ngguruk, kunuwi tumende owak ponok ponok pem min tu mbanggo abam nggwe min eyabi ndarak purag-o. Iri rak purug-e, kit kennggendumu-nen-e ap misiger-o luk-nen mondok mbepme mbururak pug-o. Mbirigit lak irit worakmu o nda yuwag-o.

YESAYA 1:18

Nagawan Indo-nen yosolar-e: ”Wene yu lak tak puwog-o. Kir-e meya kwarugwi iri na-nen ndowaga mimi kan ngen nggal-et nde, an-nen-e masa yeben mbin mare nggal loro mbereng tak kinpimin-o. Kit meya yidnag-e kwarat angin worag-et nde, kit meya yidnag-e abu abu nemberam tak pimin-o.

YOANES 13:9

Yak tosoloma-ge, Simon Peterus-nen at yak tosolar-e: ”Nagawan Indo wa-e. Iri ala-ge, an nuwok nak marurak pug-o! Are, ninggi min nanggul min-et marurag-o!” luk yak tij-o.

IBERANI 9:19

Nde, Musa-nen-e imiri mbarak pidnak wene bem-nen ”Iri nggal kwaru-o” yidnak wene oboksa-ge Isarael nap iri na yak ondosoluk, at-nen-e sapi wam marik eyabi min kambing wam kusi eyabi min wanuruk, yi amburu puruk, lomba wam usu mimi min isop angga min ebem puruk, eyabi iri-ge imiri mbarak pidnak engga na bem nggweyel karuk, ap ereba na oboksa enpem nggweyel kagaij-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.