NDAWI ENGGA 51:6 - Nanduk Ngget Tul Pidnak Wene

⁶ Kat-nen-e ndemeret ab-e mot mot wolmomtak irit perasu-o. An nindi-ge kindi nggat nggat elem-nen kobong tak nibi-o.

NDAWI ENGGA 51:6 ပူးပေါင်းရင်းမြစ်များ

2 SEMUEL 12:13

Yosoloma-ge, Ndaut-nen Natan yak tosolar-e: ”Ndemeret an-e Nagawan Indo imbiri bem mondok meya-t kwarigirig-o” luk yij-o. Yosoloma, Natan-nen yosolar-e: ”Nagawan Indo-nen-e kat-nen meya yidnag-e amberam tak pij-o. Kar-e wat yugun pug-o.

2 NAGAWAN NAGAWAN-NEN KWARIDNAK WENE 20:3

”Nagawan Indo wa-e. An-e nondomok nindi-net kat kerembel tugup lak wanosolat, pempa kat-nen nebem pidnak nak kwarurak namawi kondoso-o” luk tepan yosolar-e, Isikia iri na-ge yip kondok lud mbij-o.

AYUP 38:36

”Yi Nil iri kobong yuwa-o” luk ta-nen towe ibis ereba-ge yak tosoma, aru yusu-o? ”Talme mbuma-o” lug-e ta-nen towe wam kusi-ge yak tusu-o?

NDAWI ENGGA 15:2

Mondok konak nak kwaroso iminep mbarak nap, pempa lud tak nak kwaroso nap, at arem-nen ndemeret wene yoso nap irit wolma-o.

NDAWI ENGGA 32:5

Iri ala karuk, an meya yidnag-e mbi kura bigit lak, oboksa kat kimbiri bem parigi-o. An-nen meya kwaroso mbi narem kura bigit lak yigi-o. An-nen-e: ”An meya yidnag-e Nagawan Indo eram pareyeg-er-o” luk parosola-ge, kat-nen-e an meya yidnag-e oboksa kamberam tak pigen-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

LUKAS 11:39

Iri ala-ge, Yesus-nen at yak tosolar-e: ”Nde, kit Parisi nap-nen-e yimbe min piring min marogolar-e, ombol nggwe nak matli-t nde, arem nggwe kopkap woraso nggal, iri nggal-et kit kenmawi bem ap enarengge mengga wanugwi min meya kwarugwi min-nen kit kenarem yebet yidnak worasu-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

YAKOBUS 4:8

Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

1 PETERUS 3:4

Are, kinndi kigirik wolmomtak iri-ge kinndi arem nak-nen mburuwag-o. Nde iri-ge pem-et wolmomtak indi yamanak, yamuksa woragwi indi iri-ge Mbal Pem Nagawan erengen pem-e onggo nggulok mende-nen yusu-o.

1 SEMUEL 16:7

Alat nde, Nagawan Indo-nen Semuel yak tosolar-e: ”Kar-e enpe konak min enpe mot min yik kaidnak pem nak kindi purungsa ebem pusu-ge meyog-o. An nindi-nen pigi-ge at iri-ge lag-o. An-nen-e ki nap-nen enabut yik kagwi nggal-e yik eneyaso bug-o. Ki nap-nen-e enpage ombol nggwe nak yik kali-t nde, an-nen-e inndi nak kaso-o” luk yij-o.