NDAWI ENGGA 51:4 - Nanduk Ngget Tul Pidnak Wene

⁴ Ndemeret kat kimin, kat kimin nag-et meya kwarigi-o. An-e kat-nen meya-o luk yik kaso mende irit kwarigi-o. Iri bem-e kat-nen ap enpem wene konoso-ge mot mor-et mbenaroso me, kat-nen nebem angin worak pugun iri-ge il pem-et pugun-o.

NDAWI ENGGA 51:4 ပူးပေါင်းရင်းမြစ်များ

NDAK WIRIDNAK WENE 20:6

Yosoloma, Mbal Pem Nagawan-nen nabi bem yak tosolar-e: ”Ndemerer-o. Kar-e kwe iri-ge kindi mbek tak pem waneyek nak kwasa wanigen iri bem-nen kwe iri imin nene yugun naru kesari tenaguruk worala, kar-e an nimin meya kwarigit lak yigen-o.

NDAK WIRIDNAK WENE 38:7

Nde, ambara Ere iri na-ge at abage-ge mondok meya ala karuk, Nagawan Indo isilepma ebem puruk, Nagawan Indo isilepma-nen wirij-o.

NDAK WIRIDNAK WENE 39:9

Nde, o ma yu me yi mende ndi mende oboksa-ge at-nen tena woraso ndak ndag-et tena worasu-o. An-nen tena bigit lak misik mbi worasu-ge lag-o. Alat nde, kwe kat perak nde, kun ondomok inggem worasu-o. An-nen-e noluk-nen meya yu kwarosolat Mbal Pem Nagawan imin meya kwarimin-o?” luk yak tij-o.

NDAK WIRIDNAK WENE 9:6

Nde, ab-e an nebage worak, an nggal-et ndak ndag-et ndak wiridnak me, ta-nen nde ap worosola-ge, ap erep-nen-e at na wuruwar-o.

YESAYA 43:25

Iri yogola-t nde, Mbal Pem Nagawan an-net kit meya yidnag-e namberam tak pusu-o. An-e ap meya yidnak namberam tak poso-t me, kit meya yidnag-e namberam tak pusu-o. Kit-nen meya kwarugwi-ge yeberak woramin pug-o.

LUKAS 15:21

Iri kwarosola, ambara na-nen yosolar-e: ’Neid wa-e. An-e Mbal Pem Nagawan imin na, kat kimin na meya kwarosolat woragi-o. Iri bem-e an-e kat kambara momtag-e meya-o’ luk yij-o.

LUKAS 7:29

Yosoloma-ge, ap pidsa min pemerinta enmanggim tol ndok wurugwi nap min Yesus-nen wene iri yosola, kuliga-o. Iti iri-nen-e Mbal Pem Nagawan-nen: ”Iri nggal, yu nggal kwarurag-o” yidnak iri na ndak-ndak kwarogola-ge, Yoanes-nen yi ma inpij-o.

YIDNAK YIDNAK WENE 17:31

Nde, at-nen-e ab-e ap pidsa enpem wene lud tak nak mbarurak tarem-e ndak worak pidnak worasu-o. Nde, ap enpem wene mbaruwakluk at-nen-e ap misik mendak pij-o. Iri yidnak nab-e wat yidnak nap ennggendumu-nen uruk tak pamu me, nenpem wene mbaruwa-o luk ap pidsa enaru rak pij-o” luk yij-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

OROMA 3:4

Mondok lag-o! Ap oboksa ennesiget yugwi-t nde, Mbal Pem Nagawan-e mondok ndemeret wene nak yoso-o. Mbal Pem Nagawan engga mbarak pem-nen yosolar-e: ”Kat-nen wene yosola-ge, lud tak wene nak yij-o luk yuwag-o. Nde, kat kebem wene mbarogola-ge, kar-et ombol pem yugun-o” luk mbarij-o.

YAKOBUS 2:11

”Mbabi yurak pug-o” luk yid nap iri na-nen wene misik yosolar-e: ”Ap wururak pug-o” luk yij-o. Nde, kat-nen mbabi yigit lag-et nde, ap worosola-ge, kar-e imiri mbarak pidnak wene pidsa kuruk toso nap-net yusu-o.

YAKOBUS 2:9

Alat nde, kit-nen ap enpage limbinili ala-ge, meya irit kwatli-o. Iri kwaridnak pem-e, imiri mbarak pidnak wene-nen kit kenpem wene mbarosolar-e, wene tarugwi nap tak kunpusu irir-o.

NAM PARA WENE 16:5

Iri yosola, an kuliginggal-e, yi tena wolmomtak amawi wok tidnak aid nap iri-nen yosolar-e: ”Nanduk na woraso, yawo na worasu Mondok Lenak Woraso Mbal Pem Nagawan wa-e. Kat-nen angin worak mende mberak pigen iri-ge mot mor-et kwarigen-o!

NAM PARA WENE 19:11

Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.