NDAWI ENGGA 51:18 - Nanduk Ngget Tul Pidnak Wene

¹⁸ Mbal Pem Nagawan wa-e. Kat-nen konak kwat onposo elem pem Sion iri kwat ibi-o. Iri kwarosola, Yerusalem kerep pak leget iri na-ge tuguruk wiri-o.

NDAWI ENGGA 51:18 ပူးပေါင်းရင်းမြစ်များ

NEMIA 2:17

Alat nde, abok nggwe an-nen it yak ondosolar-e: ”Yawo nit-nen anggun panggun worali yeba mbi ker-o! O Yerusalem yu-ge nggurusa nggweyak pem labuk yil yosolat, nde, kerep pak tumende ereba na kan-nen nuruk lak tak posolat kwat yidnak yeba ker-o. Iri bem-e naptag-o. Ap-nen tuguruk pesel nunpuwa naru, o Yerusalem siri pak yu-ge tuguruk wuruwog-o” luk yak indigi-o.

NDAWI ENGGA 102:16

Nagawan Indo-nen Sion iri na tuguruk mendak posolar-e, kek tak abinal worak pem kwarosola, kujwa-o.

NDAWI ENGGA 40:7

Kuwarak posola, an-nen yosolar-e: ”An-e yu-o. Engga ket mbet iri na arem-nen an nimin yosolar-e:

NDAWI ENGGA 69:35

At-nen Yerusalem imiri yosolar-e, Yewura nap unuwi siri iri na-ge tuguruk mendak pil lobok yuwa-o. At ilirag-e o iri na me woragolar-e, nggweyak iri na-ge it onnggweyak ma-o.

YESAYA 58:12

Nde, o siri abu tudsa langgona labuk yidnak ereba na-ge kit-nen tuguruk worogolar-e, mabin-e nanduk-nen pidnak iri na bem-net wurugub-o. Ap-nen kunnu yarogolar-e: ’Kerep pak leget tuguruk worogolat, o yigisa ndamera labuk yidnak ereba na ndop noksa ondolma rak pugwi nab-o’ luk yuwa-o” luk yij-o.

NDANIEL 9:25

Yu-ge kwara karu yosolat, kwara yebet ki-o. O Yerusalem iri na tuguruk wururak wene wirik posola tarem-nen ap lit unpuruk mbururak nap Mbal Pem Nagawan-nen lenak pidnak nap lobok yuwa kuri-ge olengen tuju kali tuju irit wolma-o. Nde, Yerusalem iri me tuguruk worogolar-e, tula ereba na-ge tuguruk yakolat, kurak yil mburugwi ondoro ereba na-ge tuguruk worogolat wolmarik, olengen tuju kali enam pulu dua (62) ereya wolma-t nde, ereya tarem-e mondok angin worak tarem-er-o.

MIKA 6:7

Nit-nen-e lomba wam kwarat (beribu ribu) ala na, e saitun engen amburu kwarat kuruk kuruk mborosola ala na waruk mburulndik, Nagawan Indo amanggim pogola-ge, Nagawan Indo-ge indingen kujwa, lak? Are, nit meya yidnak onggo nit nenla manggiya wosa pul, lak?

MIKA 7:11

Yerusalem woragwi nap wa-e. Kit kunuwi siri kerep pak leget ereba na tuguruk wururak tarem-e abu panggo yij-o. Iri tarem-e kit-nen tenagidnak wi-ge nggok tak puwa-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

EPESUS 1:5

Ar-e nit nenabuwa kaso bem-net Yesus Kerisut ebem ala, Mbal Pem Nagawan-nen-e nir-e at ilirak tak nunpurag-e nanduk-net iri mondok lud tak puruk woragaij-o. Iri rak nonposolar-e, at alen min-et at indi-nen puruk kwarij-o.

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

PILIPI 2:13

Nde, Mbal Pem Nagawan-nen kit kenarem eyabu wanosolar-e, at ondomok indi-n pidnak pem-et iri kwarurak kinndi wok kondosolat, iri kwarurak kenmawi wok kondosolat yusu-o.

2 TESALONIKA 1:11

Iri bem-e, nir-e pempa kit kenmanggim tepan yili-o. Nit Nenmbal Pem Nagawan-nen kenperasolar-e, at-nen wene mbo kinpidnak nap ndag-et yobokluk, kenmanggim tepan yili-o. Kir-e konak nak kwaruwog-o luk perali mende kwarurak pem-e at amawi bem-nen ebe kwat yosolat, kit kinndi angin tubu luk kwarugwi mende na iminep mbal yosolat mag-o.