NDAWI ENGGA 51:17 - Nanduk Ngget Tul Pidnak Wene

¹⁷ Nde, an-e Mbal Pem Nagawan kamanggim kan posolar-e, ”Niri nera-o” luk nindi abi kalok yusu irir-o. Indi nde kondok luk tebe yidnag-e kar-e keya bugun pug-o.

NDAWI ENGGA 51:17 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 22:19

kar-e niri nera iri nggal kwarigi-o luk an neram tebe yigen-o. An-nen-e Yerusalem min Yerusalem woragwi nap min mondok angin worak mende enpem pimin-o. O siri iri-ge an-nen-e unmunggum lera mburak mende rak pumu, ap-nen yik kagolar-e, unmunggum lera mbuwa-o. O Yerusalem unu-ge imbiri lamut mende rak pimin-o. Alat nde, kat-nen iri kwat inpimin wene iri na kulurug-e, kindi kalok yosolat, kusum lebena keya bosolat, yip tosolat yigen-o. Iri yosolat, kat-nen tepan yigen iri-ge an-e kuligi-o.

NDAWI ENGGA 102:17

At-nen-e at ilirak pul yidnak woragwi ereba-nen tepan yidnak kolosolat, it-nen nggi yidnag-e ene kola keya buwa bug-o.

NDAWI ENGGA 107:22

It-nen at wiwa-o yak togolar-e, at amanggim pugwi mende pogolat, at-nen kwat onposo-ge enalen kagolat-nen yugwi ndawi bem wigarurag-e ndak-net yusu-o.

NDAWI ENGGA 22:24

At-nen-e ap anggun panggun tak inpili nab-e ebe lak mende nggal-e yik eneyaso bug-o. It-nen anggun panggun kagwi iri na eneyak nggal yig-e eneyaso buk me, ar-e endam-nen nden karuk mboroso bug-o. Alat nde, it-nen nde ”Yongga nindi-o” luk at eram nggi yogola-ge, it enne-t koloso-o.

NDAWI ENGGA 34:18

Nagawan Indo-ge ”Ngge kwarimin-o?” luk inndi kabak yidnak nap inmin-et woraso-o. Inndi engga nggwe mbiridnak nab-e at-nen-e inmiri yoso-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

AMOS 5:21

Nagawan Indo-nen yosolar-e: ”An-nen kit-nen yebet kagolat nggok sakwi ereba yik kudtag-e mondok nisili rak puruk, sok wururak nde yusu-o!

MATIUS 5:3

”Mbal Pem Nagawan imbiri bem inndi tebeluk worali nab-e, Mbal Pem Nagawan-nen tenagaidnak wi iri winde-nen yili me, enalen kali-o.

MARAKUS 12:33

ap-nen at abuwa kagolar-e, enpe min inndi min enmawi min pidsa-nen at abuwa kudtag-o. Nde, it enambik enabuwa kali nggal-et ennggamirak enabuwa kudtag-o. Nde, Mbal Pem Nagawan amanggim wam ebis-et kan pili min wam witli min iri-ge teberag-et nde, iri kwarugwi iri-ge nggok-nen yusu-o” luk yij-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

PILIPI 4:18

Yawo-ge an-nen ukwe peraidnak oboksa-ge kit-nen namanggim pigepma wanigi iri-ge an-nen ukwe peraidnak ombol nggwe terak menna wanigi-o. Epaporotitus-nen wok nirigep mende wok niril lobok yamu-nen an-e mondok ndak worasu-o. Nde, silobulo wok nirigep iri-ge, emben konak mende nggal Mbal Pem Nagawan-nen kujwaklug-e, Mbal Pem Nagawan indingen tak posolat, alen tak posolar-e, Mbal Pem Nagawan amanggim wam wosa eyabi pugwi nggal-nen yusu-o.

IBERANI 13:16

Nde, kir-e konak nak kwarogolat, yongga yongga wolmomtak iri-ge meme rak purak pug-o. Iri kwarugwi iri-ge, Mbal Pem Nagawan alen tak pogolat, amanggim wam wosa pugwi nggal-nen yusu-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.