NDAWI ENGGA 51:15 - Nanduk Ngget Tul Pidnak Wene

¹⁵ Nagawan Indo wa-e. An wene yosola-ge, yongga niri-o. Iri yosola, an-e kat kerembel wanimin-o.

NDAWI ENGGA 51:15 ပူးပေါင်းရင်းမြစ်များ

NDAK WIRIDNAK WENE 44:16

Yosoloma, Yewura-nen wene erep nggarosolar-e: ”Nab-o. Nit-nen-e no wene nde yul-o? Nit-nen-e wene eyak wururak na meya, ’Mot mot kwarugwi nab-o’ yurak na meya-o. Nit-nen lugud tak kwarige-ge Mbal Pem Nagawan nak-nen nam tak pij-o. Yimbe usum mu kaidnak nap iri nag-e lag-o. Are, nit oboksa kat ndegel kubugwi nap-net yili-o” luk yij-o.

MBIRIGA WENE 4:11

Yosoloma, Nagawan Indo-nen onggo yak tosolar-e: ”Ap enemnde-ge ta-nen ndak woramu-o? Ta-nen eneyanggo lak tak posolat, enne lak tak posolat kwaroso-o? Ta-nen enlengen kuwarak posolat, enlengen ngguru rak posolat yoso-o? Iri-ge Nagawan Indo an-net kwaroso-o.

YESKIEL 3:27

Abok an-net tuguruk kat kimin wene yosola perak kat-nen wene yurak amawi-ge kebem pil lobok yimin-o. Iri yumu-ge, Nagawan Indo Mondok Kek tak an-nen it yak undurak kebem pidnak wene-ge mondok it yak undugun-o. Nde, it iri-ge ndemeret wene eyak wurugwi me, kat-nen yak ondosola-ge, ap erep-nen-e kat-nen yak undugun wene kuluwa-t nde, ap erep-nen-e mondok kuluwa bug-o” luk yij-o. 4:1–17:24 Pasal ya arem-e Nagawan Indo-nen-e Yeskiel emndam tak pidnak wene kwarat ereba-ge Yerusalem siri iri na wim nap ininggem mburak wene min Isarael nab-e wim nap enma mbo inpil mbururak wene min iri-nen Mbal Pem Nagawan ilirak-nen kugwiwak erembel wanogolat, meya nak kwat tenak woragwi bem angin worak mende ereba na enpem mbidnak wene min-et mbarak worasu-o.

YESKIEL 33:11

It yak ondosolar-e: ’Nagawan Indo Mondok Kek tak, Mbal Pem Nagawan nuruk woraso nowag-o. An-e meya yugwi nap wat yurak iri-ge mondok nisili-o. Alat nde, an nindi-nen-e meya yugwi nap iri-ge it unluk irit wolmakluk it-nen meya kwarugwi iri keya burak irit nindingen-o. Isarael nap wa-e. Kit-nen meya kwatli keya ber-o. Noluk-nen kir-e wat yurak kindingen tak pili-o?’ luk yak indi-o.

MATIUS 22:12

nagawan-nen ap iri na yak tosolar-e: ’Nanggam wa-e. Kar-e kwe wanogolat-nen yurugwi sum iri-ge yirigit lag-et nde, nggesa-nen ma yu me ngguwaigen-o?’ luk yak tosoloma, ap iri na ene lak nak yij-o.

MARAKUS 7:34

Tena burug-e, Yesus na mbal nggwe lik kasolat-nen indisep wirik puruk-nen ap iri na yak tosolar-e: ”Epata” luk yak tij-o. Nde, iri-ge nit nenne bem-e: ”Keyanggo kuwak mag-o” yosolat-nen yij-o.

OROMA 3:19

Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.

IBERANI 13:15

Iri bem-e Mbal Pem Nagawan amanggim wam wosa pidnak nggal pogolar-e, Yesus ebem-nen nir-e pempa Mbal Pem Nagawan erembel wanogolat wolmog-o. Nde, at amanggim pogolar-e, nit nenemnde nggwe-nen at unu luk, at unu pempa kek tak pogolat wolmog-o.

1 SEMUEL 2:9

Nde, tugup lak woragwi nab-e Nagawan Indo arem yamuksa worali-o. Alat nde meya yugwi nab-e ndamuk arem yabera lak yili-o. Nggweyakma nap ondomok enmawi bem-nen-e ombol nggwe-ge yugwi bug-o.