NDAWI ENGGA 51:14 - Nanduk Ngget Tul Pidnak Wene

¹⁴ Nimiri yoso Mbal Pem Nagawan wa-e. Wat yugwi elem inggiyapma-nen mengga keya nibi-o. Iri yugunmu, an-e nalen min-et kat-nen mot mot kwaroso wene-ge wigarimin-o.

NDAWI ENGGA 51:14 ပူးပေါင်းရင်းမြစ်များ

NDAK WIRIDNAK WENE 42:22

Yogoloma, Uruben-nen yosolar-e: ” ’La iri ebem-e yi kwatlik ndi kwatlik kwarurak pug-o’ luk nanduk yak kindigi na-t nde, kir-e an nene-ge kuligit lak yigeb-o. Iri na bem emep onggo-ge nit nunduwa-o” luk yak indij-o.

NDAK WIRIDNAK WENE 9:6

Nde, ab-e an nebage worak, an nggal-et ndak ndag-et ndak wiridnak me, ta-nen nde ap worosola-ge, ap erep-nen-e at na wuruwar-o.

2 SEMUEL 12:9

Noluk-nen kar-e an-nen kebem pidnak wene-ge tarusu-o? Noluk-nen kar-e meya kwarosolat, Uria iri na-ge wuruwakluk wim abi bem ibil ler-o yigenma wiriga-o? Kar-e Amon nap-nen wuruwakluk keya ibigen-o. Iri rak puruk ogwe iri na-ge kar-et wanigen-o!

ESERA 9:13

Nenmbal Pem Nagawan wa-e. Nir-e kat-nen idnak imiri mbarak pidnak wene iri na kwid togolat, meya kwarogola-ge, kat-nen-e onggo angin worak nenpem pigen-o. Nit meya kwarat kwarige ndak ndag-et angin worak mende nggog-et nenpem purag-et nde, kat-nen angin worak nenpem pigen iri-ge we te-t nenpem pigen-o. Nenpe na yawo ninmiri yigen-o. Iri kwat ninpigen iri-ge nir-e nenaru-o.

NEMIA 9:33

Kat-nen-e mot mor-et kwarosolat, nit meya kwarogola-ge, onggo angin worag-et nenpem pusu-o. Nir-e meya nak kobong tak woragola-t nde, kar-e mondok tugup lak irit kwaroso-o.

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

YESKIEL 33:8

An-nen yosolar-e: ’Meya yoso nap iri na war-et ma-o’ yak kirimin-et nde, kat-nen nde at abage nden kasola imiri yuwakluk nggomo wirigit lak irit worasoma, at-nen meya irit kwat tenak worasoma wat ma iri-ge erem-e kat kebem-et pimin-o.

NDANIEL 9:16

Kar-e o nanduk ereba-net nit nenambigit nak yoso me, kisilepma Yerusalem ebem-e posolat wolmomtak pug-o. Yerusalem iri-ge kat kondomok kuwi siri min kondomok kondobo marak min-nen yusu-o. Nit min nonmborak min-nen meya kwaridnak iri na-nen ndowaga, nit nendam inggi inggi worali nap oboksa-nen-e kat kilirak min Yerusalem min yik eneyagolar-e, no mende nggal nde yik eneyali-o.

NDANIEL 9:7

Nagawan Indo wa-e. Kat-nen kwaroso-ge pempa ndemeret mot mot lud tak nak kwaroso-nen yusu-o. Alat nde, nit-nen-e nondomok ninnggiri rak purak mende nak kwatli-o. Nde, iri kwarugwi iri-ge nit Yurea woragwi nap oboksa min Yerusalem woragwi nap min nit nenlem nap oboksa-nen tugup lak kat-nen yidnak yidnak kwarigit lak yidnak pem kat-nen-e o erepma min koroga min ndibi ndi rak inpigen irir-o.

OSEA 4:2

Ir-e ’Irit mul-o’ luk owak mbatli-t nde, owak mbaridnak iri na ndak ndag-e kwatli bug-o. Ir-e ennesiget yogolat, ap worogolat, yariya wanogolat, mbabi kwarogolat, yi meya ndi meya kwarat kwarogolat, ap nak ebem lud lud wat tenak woragolat worali-o.

ABAKUK 3:18

Nagawan Indo kar-e an nimiri yoso Nembal Pem Nagawan me, an-e pempa nalen nak kasolat woramin-o.

YIDNAK YIDNAK WENE 18:6

Yak ondosola-ge, it-nen-e at imin sirid mbarogolat, at obok pogolat ala karug-e, at-nen at usum pem mabe pil kasolat-nen it yak ondosolar-e: ”Kit keneyabi-ge kondomok kenpem-o! An meya-ge lag-o. Yawo kuri-net an-e enlem nin nap endam mbirimin-o” luk yak indij-o.

YIDNAK YIDNAK WENE 20:26

Iri bem-e, yanem-et nam-et yak kendeyeg-o. Kit pidsa keneyabi-ge an nebem-e lag-o.

OROMA 10:3

Mbal Pem Nagawan-nen ap lud tak nak unpurak kwaroso iri-ge ir-e nenaru buk me, it inndi-n pidnak pem lud tak nak unpuwa-o luk peragolar-e, ir-e Mbal Pem Nagawan indi-nen pidnak na kwatli bug-o.