NDAWI ENGGA 51:11 - Nanduk Ngget Tul Pidnak Wene

¹¹ Kat keram-nen an-e mbo nuburak pug-o. Kat kindi marak iri na-ge an narem-nen waburak pug-o.

NDAWI ENGGA 51:11 ပူးပေါင်းရင်းမြစ်များ

NDAK WIRIDNAK WENE 4:14

Yawo-ge kat keram yu me-nen sera wirik nibigenma, an-e nggweyak ma yu me-ge nondoro lak, we waring tenak nak woramin-o. Worasoma, ta-nen nde nimin lid pid yogolar-e, nuruwa-o” luk yij-o.

NDAK WIRIDNAK WENE 6:3

Iri kwarogola, Nagawan Indo-nen yosolar-e: ”Nggweyak ma nap yu-ge unluk nak woralik nalik wolmomtak iri-ge an-e mondok nisili-o. It yu-ge urugup worak mende mondok wat momtak mende-net nde yili-o. It yu-ge yawo kuri-nen it unluk woragolat olengen seratus dua pulu ombol nggwe nggal wolmomtag-e mondok lag-o” yij-o.

2 SEMUEL 7:15

Alat nde, an-nen: Irit kwat kibimin-o luk urul pusu ndak ndag-et konak kwat obosolat woramin-o. Kat nagawan men yonokluk an-nen Saul nagawan woraso sa-nen wud tak ibigi iri nggal-et kat kambara kwat ibimin pug-o.

2 NAGAWAN NAGAWAN-NEN KWARIDNAK WENE 13:23

Alat nde, Nagawan Indo-nen-e at ilirak enabuwa karuk, it-nen meya kwarugwi-ge amberam tak posolat woragij-o. Ar-e ilirak lak tak unpuwakluk keya unpurak iri-ge imbit-nen yongga-t ondosolat woragij-o. Iri yid iri-ge Abarakam min Isak min Yakup min ”Irit kwat kinpimin-o” luk urul yak indid iri na bem-net kwarij-o. Yawo-nen na at ilirag-e meme rak unpusu bug-er-o.

2 NAGAWAN NAGAWAN-NEN KWARIDNAK WENE 23:27

Nde, Nagawan Indo-nen yosolar-e: ”An-nen Isarael nap kwat inpigi iri na nggal-et Yewura nap kwat inpimin-o. Nde, an-nen-e Yewura nab-e an-nen wok indigi o iri na me-net mbo inpimin-o. Nde, an-nen-e an-nen linigi Yerusalem siri min an nuwi an-nen yosolat: ’An nuwi yu-ge an nerembel wanugwi o irit wolmag-o’ yigi o yu-ge mondok keya bimin-o” luk yij-o.

2 NAGAWAN NAGAWAN-NEN KWARIDNAK WENE 24:20

Iri kwarosola-ge, Nagawan Indo-ge Yerusalem woragwi nap min Yewura nap min ereba na enpem isilepma puruk, mondok yongga indigit lak keya inpij-o.

NDAWI ENGGA 43:2

Kar-e an Nembal Pem Nagawan nggetlel nuburuk woraso-nen yusu-o. Noluk-nen kar-e keya nubusu-o? Noluk-nen nuwim nap-nen anggun panggun tak nobogola, mondok andi bandi kerenak worasu-o?

YEREMIA 7:15

Nde, an-nen konowe konowosi Isarael nap sera wirik inpigi iri na nggal-et kir-e an neram-nen sera wirik kinpimin-o’ luk yak indi-o” luk yak nirij-o.

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

YOANES 14:26

Alat nde, Yongga Kundurak Nap iri-ge an nunu bem an Neid-nen wirik ibil lobok yuwa Konak Indi na-nen-e yi mende ndi mende pidsa mirik konposolat, an-nen yak kindidnak wene pidsa yeberak konposolat ma-o.

OROMA 1:4

Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.

OROMA 8:9

Alat nde, kir-e ki nap-nen kwarugwi mende bem worali-ge lag-o. Konak Indi ndemeret kit kenarem worala-ge, kri-e Konak Indi arem-e worali-o. Nde, Kerisut Indi wanigit lak nab-e Kerisut arengge-ge lag-o.

EPESUS 4:30

Nde, Mbal Pem Nagawan-nen idnak Konak Indi iri-ge indi puru rak purak pug-o. Mbal Pem Nagawan-nen-e ”At ilirak-nen yili-o” luk, yenggerak kunpuwakluk, Konak Indi kenpem posolat, ”Kit kinmiri yurak tarem-e ndemeret wok ma-o” luk Konak Indi ebem-nen urul yak kondosolat yij-o.

2 TESALONIKA 1:9

Iri kwarugwi nap onggo wok ondosolar-e, Nagawan Indo eram-nen abu abu-t mbo unpuwama, woralik nalik woragolar-e, at-nen kek tak woraso amawi eram-nen ir-e nuruk tak irit wolma-o.

WENE MBENARUGWI NAP-NEN KWARIDNAK WENE 13:25

Nde, la iri na-ge at elem nap Ndan woragwi sa o Sora wok Esitaol wok iri na me worala-ge, Nagawan Indo Indi-nen-e amawi ebem poso tel kwirij-o.

WENE MBENARUGWI NAP-NEN KWARIDNAK WENE 15:14

Kamatluk mbirigarik, o Lei wok yogola-ge, Pilisin nab-e inni enne bem-et Simson eram lobok yogola-ge, mondok mimo ereya na-net Nagawan Indo-nen amawi rak posolar-e, kere kamaridnak iri na-ge kan ninggidnak arengga nggal lebena keya bij-o.

WENE MBENARUGWI NAP-NEN KWARIDNAK WENE 16:20

Iri rak puruk ene nggoksa Ndelila-nen yosolar-e: ”Simson wa-e. Pilisin nap lobok yili-o!” luk yak tosoloma-ge, Simson-nen perasolar-e: ”An-e nanduk-nen men yusu ereba na nggal-et men yimin-o” luk peragidnggal-e, mondok ndeyak irit men yij-o. Nde, Nagawan Indo-nen keya ibid iri na-ge ar-e aru buk irit woragij-o.

1 SEMUEL 10:10

Nde, Saul na-ge ndegel oboso nap iri na imin-e mbirigarik, o Nggibea wok yukmu-ge, Mbal Pem Nagawan ene lomboksa yugwi nap kere misik inmin lid pid yiga-o. Iri yukmu Mbal Pem Nagawan Indi-ge Saul iri na ebem wok yosolar-e, Saul na-ge Mbal Pem Nagawan ene lomboksa yugwi nap ereba na inmin ndawi kot kasolat, ene nggoksa yij-o.

1 SEMUEL 16:14

Saul na-ge Nagawan Indo Indi-nen keya uburug-e, Nagawan Indo-nen meya indi Saul ebem pil lobok yamu, Saul na-ge andi bandi rak obosolat woragij-o.