NDAWI ENGGA 51:1 - Nanduk Ngget Tul Pidnak Wene

¹ Mbal Pem Nagawan wa-e. Kar-e pem irit nabuwa yoso me, nabuwa ki-o. Kat-nen ap unpud kwarat kaso me, an-nen meya yidnag-e kamberam tak pi-o.

NDAWI ENGGA 51:1 ပူးပေါင်းရင်းမြစ်များ

2 SEMUEL 11:2

Nde, misik tarem-e keyama nggwe-ge Ndaut na nene luk men yosolar-e, at uwi ngguwa mbirik yamuk tak ereba na bem waring kil nosolat-nen yik kagaidnggal-e, kwe mondok konak mbi aboro marosola, yik kagaij-o.

NEMIA 4:5

Nde, nit-nen kerep pak leget yu worogola, pesel ninpili me, it-nen lugud tak kwarugwi mende-ge kamberam tak purak pug-o. Nde, it-nen meya kwarugwi na meme rak purak pug-o” luk tepan yigi-o.

NDAWI ENGGA 119:124

Kat-nen enabuwa kaso ndak ndag-et kwat nibi-o. Kat-nen ”Iri kwarurag-o” watsa pidnak wene-ge mul norosolat wolmin-o.

NDAWI ENGGA 145:9

At iri-ge ap enariktak inmin-e indi konak nak yoso-nen yusu-o. At-nen ndak worak pidnak oboksa enabuwa yoso-nen yusu-o.

NDAWI ENGGA 40:11

Nagawan Indo wa-e. Kar-e nabuwa kaso iri na-ge pok tak purak pug-o. Kat-nen tugup lak enabuwa kaso bem pempa nggetlel nuburuk wolmin-o.

NDAWI ENGGA 51:9

An-nen meya yoso iri na kisili-nen kabi misik tak puruk, an-nen lugud tak kwaroso oboksa korak pi-o.

NDAWI ENGGA 69:13

Alat nde, Nagawan Indo wa-e. An-e kat keram tepan yusu-o. Mbal Pem Nagawan wa-e. Kat-nen kindingen yidnak tarem-e nene erep nggari-o. Kat-nen enabuwa kwarat kasolat, tugup lag-et ap inmiri yoso elem pem yongga niri-o.

NDAWI ENGGA 69:16

Nagawan Indo wa-e. Kar-e kindi konak pem irit enabuwa yoso me, an nene erep nggari-o. Kat-nen enabuwa yoso-ge nggok me, nden karuk yik niyudtak kindi min-o.

YESAYA 43:25

Iri yogola-t nde, Mbal Pem Nagawan an-net kit meya yidnag-e namberam tak pusu-o. An-e ap meya yidnak namberam tak poso-t me, kit meya yidnag-e namberam tak pusu-o. Kit-nen meya kwarugwi-ge yeberak woramin pug-o.

YESAYA 44:22

Kat-nen lugudtak kwaroso-ge an-nen nggan nggan nggal ko sa wirik pigi-o. Kat meya yidnag-e an-nen o age nggal pu yaga wirik pigi-o. Kar-e an-net wisirik kubukmu me, tuguruk an neram lobok yi-o!” luk yij-o.

YESAYA 63:15

Nagawan Indo wa-e. Kat woraso sa marak abinal worak aid arem-nen kerengen-e mbel niniyi-o. Kat kamawi woraso min nenabuwa kaso min-e ngge rak pigenma-o? Nunpud kaso min nenabuwa kwarat kaso min-e ngge rak pigenma-o? Nenabuwa yigit lak keya nunpurak pug-o.

YESAYA 63:7

Nagawan Indo-nen enabuwa kaso wene-ge wigarimin-o. At-nen kwaroso oboksa bem an-e at erembel wanimin-o. At-nen-e at ilirak enabuwa mondok kwarat kasolat, at-nen enabuwa kaso elem-e mondok lak yoso buk iri bem-e imbiringgar-e kwarat at ilirak enpem mberak poso-o.

YEREMIA 18:23

Alat nde, Nagawan Indo kar-e it-nen an nuruwokluk yimniga-ge kar-e mondok karu-o. Iri bem-e, it meya yidnak kamberam tak posolat, it meya yidnak korak onposolat yurak pug-o. Kat kisilepma unpuruk-nen kwat onposolar-e, wosa mbud tak inpi-o” luk yigi-o.

NDANIEL 9:18

Mbal Pem Nagawan wa-e. Nit nenne kwara kuli-o. Kat-nen kwara yik neneyaruk, nit-nen andi bandi kali yeba-ge kwara lombot nonposolat, o siri kat kunu luk ’Kwendeknak uwi siri-o’ yugwi siri iri min-et kwara lombot pi-o. Nit-nen tepan kat kemengen mbatli-ge nit-nen konak kwaridnak pem-e lag-et nde, kat-nen kwara nunpud kaso iri na bem-net keram tepan yili-o.

NDANIEL 9:9

Nir-e kat kimin wim mbarogola-t nde, kar-e nit nunpud karuk, nit meya yidnak kamberam tak nonposo-nen yusu-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

KOLOSE 2:14

nit namat meya yidnak wene, ”Iri nggal kwaru-o” luk yidnag-et nde, nit-nen tarugwi engga mbarak iri-ge lak tak posolar-e, e lang pang tak pem luruk wosa panggarak pij-o.