NDAWI ENGGA 49:6 - Nanduk Ngget Tul Pidnak Wene

⁶ It iri-ge it enarengge bem nak inndi kwid puruk woragolat, enarengge mende ereba na bem nak inndi kek tak puruk worali-o.

NDAWI ENGGA 49:6 ပူးပေါင်းရင်းမြစ်များ

ESET 5:11

Iri yosolat-nen Aman-nen indi kek tak pem ene amburu ndagosolar-e, at aringgi arengge wene min ambararak kwarat ereba na onowene min nagawan-nen yabu kek tak wok tid wene min nagawan yabu wanugwi nap ereb-e teberag-et nde, ar-e mondok kek tak nggok worasu wene min ereba na ndindera yak indij-o.

NDAWI ENGGA 112:7

At indi-ge tugup lak Nagawan Indo ebem wat tak puruk woralar-e, meya wene kuluwa-t nde, kwiye lag-et wolma-o.

NDAWI ENGGA 112:8

At-nen at imin sirid nab-e ”Ndemeret urugwe nggwe rak inpimin-o” perarug-e, umud lak, tugup lak irit wolma-o.

NGGOMO WENE 23:5

Kat kisilobulo-ge isiyamu worak luk pubu towe wunun teram nggwe mbiridnak nggal kat karengge-ge enlengen sambok yidnak nggal nak lak ma-o.

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

MARAKUS 10:24

Yosoloma-ge, at owosirag-e wene iri na kulurug-e, wi yiga-t nde, Yesus-nen tuguruk yak ondosolar-e: ”Nowosirak wa-e. It inndi silobulo nak yebet kali nab-e Mbal Pem Nagawan-nen tenagaidnak wi iri me nggurag-e angin kwarar-o!

LUKAS 12:19

Iri wirimindik, an nondomok nimin yosolar-e: Kar-e yi mende ndi mende konak nak pidsa winde yigendik me, yi olengen ndi olengen woralar-e, lag-e ma bug-o. Kombol kwarosolar-e, nunggwi mende min yi min nasolat, kalen pem-et wolmin-o! luk yimin-o’ luk peragaij-o.

1 TIMOTIUS 6:17

Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.