NDAWI ENGGA 49:1 - Nanduk Ngget Tul Pidnak Wene

^1-2 Unnu worak woragwi nap min unnu lak nap min enarengge lak nap min enarengge worak nap min ap enlem oboksa wa-e. Wene yu kwara koler-o. Yi wi ndi wi woragwi nap wa-e. Kwara keneyanggo palak wolmer-o.

NDAWI ENGGA 49:1 ပူးပေါင်းရင်းမြစ်များ

NDAWI ENGGA 33:8

Nggweyak yu ebem woragwi nap-nen-e Nagawan Indo nak aye kagolat wolmag-o. Nggweyakma nap oboksa-nen Nagawan Indo nak kek tak pogolat wolmag-o.

NDAWI ENGGA 34:11

Li marik marik wa-e. Nagawan Indo indi aye worak wolmomtak wene mirik kinpimin yu kwara koler-o.

NDAWI ENGGA 42:1

Mbal Pem Nagawan wa-e. Urusa wam-nen yi ene worak mboroso norak indi eberek yusu iri na nggal an-e kat nere-nen nindi eberek yusu-o.

NDAWI ENGGA 46:1

Mbal Pem Nagawan iri-ge nit kurak yugwi nondoro min nenmawi elem min-nen yusu-o. Mangonokma rak ninpidnak woragola-ge, at iri-ge yongga nundurag-e pempa ndak lid lud tak puruk woraso-o.

YESAYA 1:2

Nagawan Indo-nen yosolar-e: ”Mbal wa-e. Kwara kuli-o! O yu-ge wa-e. Kwara yebet ki-o! Li an-net nggok tak inpigi-net nde, an nimin wim mbatli-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

MIKA 1:2

Yi nap ndi nap oboksa wa-e. Kwara koler-o! Yi wi ndi wi oboksa woragwi nap wa-e. Kwara lombot per-o! Nagawan Indo Mondok Kek tak iri na-ge kit oboksa kinnggiri wururak irit lobok yuwa-o. At ama marak aid arem-nen wene yosola, kwara koler-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 11:15

Ta-nen nde eyanggo worak ala-ge, wene yu kuluwag-o.

MATIUS 13:9

Ta-nen nde eyanggo worak ala-ge, wene yu kuluwag-o!” luk yij-o.

OROMA 10:18

Alat nde, ”Ir-e wene kuligit lak yiga, lak?” luk an-nen kin waneyeg-o. Lag-o. Kuliga irir-o. Engga mbarak pem-nen yosolar-e: ”It enne-ge yi wi ndi wi wigak yij-o. Nde, it-nen yidnak wene-ge ap lak kuri wok yij-o” luk yij-o.

OROMA 3:29

Nde, Mbal Pem Nagawan na-ge Yawuri nap nak Enmbal Pem Nagawan-a? Mbal Pem Nagawan-e enlem nin nap na Enmbal Pem Nagawan-nen yusu-ge lag-a? Ndemeret, ar-e enlem nin nap Enmbal Pem Nagawan-net yusu-o.

NAM PARA WENE 2:11

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, mberen pem tak posolat wat momtak elem iri-nen-e andi bandi rak unpuwa bug-o.”

NAM PARA WENE 2:17

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, an-nen-e kura woraidnak no mende mburu (manna) na mak timin-o. Iri luk, kerep loro misik wok indimin-o. Nde, kerep loro iri na bem-e unu ngget yarak mbarag-o. Nde, unu iri-ge ap nin-nen enaru buk, wanuwa nap enarik nak-nen enaru ma-o.”

NAM PARA WENE 2:29

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o!”

NAM PARA WENE 2:7

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, unluk nak wolmomtak e Mbal Pem Nagawan Eyapmu-nen mbiridnak engen iri na mak timin-o.”