NDAWI ENGGA 46:6 - Nanduk Ngget Tul Pidnak Wene

⁶ Mbal Pem Nagawan ene o nggu nggal yosolat, o yu-ge yigisa ndamera nggururak pusu-o. Yi ap ndi ap oboksa-nen enne lek kagolat, nggweyakma nagawan-nen tenagidnak wi ereba na nari wari mbosolat yusu-o.

NDAWI ENGGA 46:6 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 19:34

An-nen kek tak woraso bem-nen na irit, an-nen Ndaut urul yak tigi bem-nen na irit, o Yerusalem siri yu-ge an-nen imiri yosolat, nggetlel puruk woramin-o’ luk yij-o” luk wene wosa pil mbirij-o.

YESAYA 31:5

Towe-nen amarik imiri yosolat uwima tuburusu iri na nggal Nagawan Indo Mondok Namawi Worak an-nen na Yerusalem nggetlel obosolat, imiri yosolat kwarimin-o” luk yij-o.

YESAYA 33:20

Nit-nen Nagawan Indo ndegel obogolat nggok sakwi sa o siri Sion yik ker-o. Yerusalem yik ker-o! Yerusalem iri-ge keratluk waruk mburugwi buk o lije nggal owak sindidnak na kona wanigit lak, kere na pok yigit lak ebis me, iri me woragolar-e, mondok konak, kirimbi laksa wolmomtak irit ma-o.

YOEL 2:11

Nde, Nagawan Indo-nen-e at-nen idnak san ombo ereba na ene o nggu nggal pem-nen ”Yu nggal kwarurak, iri nggal kwarurak” yak undusu-o. At-nen yidnak yidnak kwatli esan ombo-ge enpe na kwarat, mondok enmawi worak irir-o. Nde, Nagawan Indo-nen idnak tarem iri-ge ndemeret mondok ija kwiye worak-nen yusu-o! Ap misiger-o luk mbi mondok mamak puwa bug-o.

AMOS 1:2

Amos-nen yid wene-ge yu-o: ”Nagawan Indo-ge Sion ndobo bem-nen urum ene ngol yosolat, Yerusalem-nen ene o nggu nggal yosolat yusu-o. Tusuangge ereba na-ge mondok umbuk le yosolat, nde, tusuangge Karamel Ndobo bem ereba na-ge merek le yij-o” luk yij-o.

AMOS 9:13

Nagawan Indo-nen yosolar-e: ”Nggandum mbato ndag-et nak mborosolat, ebe mbarogolat na pempa kundugu kandugu mbal tenak nak woragolat, anggut ari na ndag-et nak mborosolar-e, wigak yosolar-e, ab-e pempa anggut engen amburu-ge pempa amburu mbelel tenak nak woragolat, anggut amburu ndobo ereba na bem-nen yik sik mborosolat, ndobo amun ereba na bem-nen urusu kundik mbururak tarem-e wog-et ma-o.

AMOS 9:5

Nagawan Indo Mondok Kek tak, Amawi worak iri na nen o yu sil kasola, o yu lele yosolat, o yu ebem woragwi nap oboksa-ge unmud-nen yip tuwa-o. Yi Nil-nen ebe kobong luk, leyok luk kwaroso nggal o yu-ge laruk mburuk kwat tenak wolma-o.

MIKA 1:4

Ndobo oboksa at ijok ma-nen kolpo kan ma bosoma kwaroso nggal yi nggal kwatluk larok ma-o. Yi ndobo bem-nen mboroso nggal nggweyakma mabunuruk, mbirikmu ereba na mbuwa-o.

TUGURUK YIDNAK WENE 7:21

Iri ala kir-e ap enlem ereba-ge mondok enaye yurak pug-o. Nagawan Indo Kenmbal Pem Nagawan-nen nggetlel kunpuruk nusu-o. At iri-ge Mbal Pem Nagawan nggok kwiye worak-nen yusu-o.

YOSUA 2:11

Nde, ereba wene kologolar-e, nir-e mondok kwiye kwarat kali-o. Iri yogolar-e, mondok nonowak uruna lasu-o. Nagawan Indo Kenmbal Pem Nagawan-e ndemeret mbal min nggweyak min ombol pem kek tak nagawan-nen yusu-o.

YOSUA 2:24

Yak turuk, it-nen yogolar-e: ”It o iri me nab-e nit nenaye kwarat kali-o. Iri ala-ge, ndemeret Nagawan Indo-nen o iri oboksa abu nininggem pij-o” luk yiga-o.

YOSUA 2:9

ap mberen ya na yak ondosolar-e: ”O yu me nap oboksa-nen kit kenaye kwarat kali-o. Nde, o yu-ge ndemeret Nagawan Indo-nen abu kit kininggem pamu-o luk an-e mondok naru-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.