NDAWI ENGGA 43:3 - Nanduk Ngget Tul Pidnak Wene

³ Kat-nen tugup lak woraso-ge yaya rak nobosolat, ndemel nuburuk kat kondobo Sion marak iri na bem tuguruk nibil mborosolat, kat kama kat woraso sa iri na me nibil mborosolat makluk an neram pil lobok yi-o.

NDAWI ENGGA 43:3 ပူးပေါင်းရင်းမြစ်များ

2 SEMUEL 15:20

Kar-e nggeret lobok yigendik yu me kwara woragit lag-et nde, an-nen: ’An nimin yeba waring tenak wolmog-o’ yak kururag-e meya-o. Nde, an na iri me mburusu-o luk il kwarag-e lak me, kar-e kat kene bem san ombo ereba inmin-e tuguruk mberer-o. Nde, Nagawan Indo-ge tugup lak irit kat kabuwa kasolat wolmag-o” luk yak tij-o.

2 SEMUEL 15:25

Woragola, Ndaut-nen Sandok yak tosolar-e: ”Nagawan Indo-nen idnak urul pidnak wene labu mbarak iri-ge tuguruk Yerusalem pil mberer-o. Nagawan Indo-nen nde an Indingen tak nobosolar-e: ’Ndemeret tuguruk mbiri-o’ yak nuruwama, lobok yimindik, Nagawan Indo-nen idnak urul pidnak wene labu mbarak iri min at woraso o lije iri min-e kamin-er-o.

NDAWI ENGGA 119:105

Kat-nen yidnak wene iri-ge an nuwok purak amanggim tal min an mbururak tula yaya rak purak tal min-nen yusu-o.

NDAWI ENGGA 2:6

Iri yosolat-nen yak ondosolar-e: ”Nondobo Sion marak iri na bem-nen an-nen idnak nagawan irit mendak pigi-o” luk yak undusu-o.

NDAWI ENGGA 40:11

Nagawan Indo wa-e. Kar-e nabuwa kaso iri na-ge pok tak purak pug-o. Kat-nen tugup lak enabuwa kaso bem pempa nggetlel nuburuk wolmin-o.

NDAWI ENGGA 42:4

An-e nanduk woralat, ap kwarat inmin Mbal Pem Nagawan erembel wanurak at ama mborogolat, an-e nandug-et anggul tak puruk mborosola, Mbal Pem Nagawan erembel wil wil nenalen-nen ndawi bem mburugwi ereba na nindi yebet karug-e, nindi puru kwarat yusu-o.

NDAWI ENGGA 46:4

Mbal Pem Nagawan mondok kek tak iri na woraso uwi siri iri na-ge yi inggi sid mborosolat amburu rak pusu-o.

NDAWI ENGGA 84:1

Mbal Pem Nagawan Mondok Kamawi Worak wa-e! Kat woraso sa iri na bem nindi kundik woraso-ge mondok ija lombog-o.

MIKA 7:20

Nanduk kwat nunpurak urul nonmborak yak indigen iri na ndak ndag-et kat-nen tugup lak kwat onposo min kat-nen kundugu enabuwa kaso min iri na-ge kat kilirak Abarakam min Yakup min-nen wigarak irit mirik nunpugun-o.

MIKA 7:8

Nir-e wosa mbige-t nde, mondok tugurug-et men-et mul me, nit yigisa keya ninpidnak iri na bem nit nunuwim nap-nen-e enalen yurag-e meya-o. Yawo na ndamuk arem worali-t nde, Nagawan Indo-nen-e yaya rak nunpuwa-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

YOANES 1:4

Wene iri-ge unlug-et wolmomtak elem-nen yusu-o. Nde, unlug-et wolmomtak elem iri-nen oboksa yaya rak inpij-o.