NDAWI ENGGA 42:6 - Nanduk Ngget Tul Pidnak Wene

^6-7 Mbo unpugwi sa yu me woralar-e, nindi-ge meya sa kala labuk yosolat worasu-o. Iri ala karuk, an nindi-ge Nagawan Indo yebet kasu-o. An-e inndi puru bera woragwi elem arem worasu-o. Nari wari rak onposo elem-nen yemen nubusu-ge Ndobo Eremon min Ndobo Misat min ereya bem-nen Yi Yareren mberak pil lobok yusu iri na nggal yemen nibil lobok yusu-o.

NDAWI ENGGA 42:6 ပူးပေါင်းရင်းမြစ်များ

2 SEMUEL 17:22

Yak togolikma Ndaut na-ge at imin nugwi nap inmin-e Yi Yareren mbara ndil laigarik, eyak ele bem wok yukmu-ge o kil pij-o.

2 SEMUEL 17:27

Nde, Ndaut iri na Maganaim wok yosola-ge, Amon wi iri me o siri Araba nap Nagas ambara Sopi min Londebat nap Amiel ambara Magit min O Nggileat-nen o siri Orogelim nap Mbarasilai min-nen-e Ndaut iri na inmin tak piga-o.

NDAWI ENGGA 133:3

Are, kundik woragwi iri-ge ndobo Eremon lilangen Sion ndobo ereba na me mboso ereba na nggal-nen yusu-o. Unlug-et pem-et woralik nalik wolmaklug-e, Nagawan Indo-nen-e imbiringgar-e iri me mberak pusu-o.

NDAWI ENGGA 22:1

Nembal Pem Nagawan wa-e. Nembal Pem Nagawan wa-e. Kar-e noluk keya nubusu-o? An-e kat keram wene mbo bil luwasu-t nde, kar-e nene kuligit lak yosolat an-e yongga nurusu bug-o.

NDAWI ENGGA 43:4

Wok yimindig-e an-e an nalen tak poso elem Nembal Pem Nagawan kat kamanggim kan pugwi sa mbirimin-o. Mbirimindig-e, Mbal Pem Nagawan, Nembal Pem Nagawan wa-e. Kat kerembel wanosolat an-e ndawi yosolar-e, kecapi pobo ene rak pimin-o.

NDAWI ENGGA 43:5

Noluk-nen an-e nindi abi kalok yosolat yane wat tenak worasu-o? An-e Mbal Pem Nagawan ebem nindi mbung mbung tak woralat, an-e Nembal Pem Nagawan, nimiri yoso nap iri na wiwa-o yak tosolat woramin-o.

MATIUS 26:39

Yak unduruk, at na nuruksa nggal mberarik, nggweyak pem erare nggwe tud luk-nen tepan yosolar-e: ”Neid wa-e. Lak tak purag-e ndak nde ala-ge, yimbe yu-ge an neram-nen mengga wani-o. Alat nde, an nindi-n pidnag-e lag-o. Kat kindi-n pidnak nak kwat mag-o” luk yij-o.

MATIUS 27:46

Nde, jam tiga bem-e, Yesus-nen ene ngguloksa yosolar-e: ”Eli, Eli, lama sabaktani?” yid iri-ge ”Nambal Pem Nagawan wa-e. Nambal Pem Nagawan wa-e. Kar-e noluk keya nibigen-o?” luk yosolat-nen yij-o.