NDAWI ENGGA 42:3 - Nanduk Ngget Tul Pidnak Wene

³ An-e kubu-nen lengge-nen yip nak tenak woralat, nunggwi mende nggal-e yip nak nok tenak worasu-o. Pempa an nuwim nap-nen kin wok nobogolar-e: ”Kembal Pem Nagawan-e ngge me worasu-o?” luk yak nererenak worali-o.

NDAWI ENGGA 42:3 ပူးပေါင်းရင်းမြစ်များ

2 SEMUEL 16:12

Erep-nen-e Nagawan Indo-nen an-nen andi bandi kasu yu neyaruk, imbiri lamut tak nubusu onggo imbiringgat tak nubuwa nde ma-o” luk yak indij-o.

NDAWI ENGGA 102:9

An-e nunggwi mende nggal-e o liri nde nasu-o. Nde, yi-ge yiplengen min nasu-o.

NDAWI ENGGA 115:2

Noluk-nen ap enlem ereba na-nen yogolar-e: ”It Enmbal Pem Nagawan-e ngge me worasu-o?” luk yili-o?

NDAWI ENGGA 22:8

Iri kwarogolat, it-nen yogolar-e: ”At indi-ge Nagawan Indo ebem wat tak puruk woraso me, Nagawan Indo-nen imiri yuwag-o! Nagawan Indo-nen nde at indingen tak obosolar-e, wisirik ubuwag-o” luk yili-o.

NDAWI ENGGA 42:10

Nuwim nap-nen nggweyel nobogolat-nen yogolar-e: ”Kembal Pem Nagawan-e ngge me worasu-o?” luk yak nererenak worali iri bem nindi abi kalok yosolat worasu-o.

NDAWI ENGGA 63:2

Kat kama-nen kar-e keyasolat, kat kamawi min kat-nen kek tak woraso min-e kayeg-o.

NDAWI ENGGA 80:5

Kat-nen-e yib-e nunggwi mende nggal mak nundusu-o. Nde, yip lengen kwarat yi nggal mak nundusu-o.

NDAWI ENGGA 84:3

An-nen idnak Nagawan, Nembal Pem Nagawan, Nagawan Indo Kamawi Worak wa-e. Towe marik towe-t nde, o misik wanij-o. Towe wamsa na uwi-ge worasur-o. Kat kamanggim kan pugwi eralu iri me unuwi arem-e enmarik piga-o.

MBIRIGA WENE 23:17

Olengen irit wosa wene kenan ereya yebet kagolar-e, kit ab-e oboksa Nagawan Indo Kenmbal Pem Nagawan an nak nerembel wil lobok yurag-o.

YOEL 2:17

Nde, tepan ombo Nagawan Indo ama iri na me yabu wanugwi nab-e Nagawan Indo amanggim kan pugwi iri na wok, iri-nen o panggo tumende bem iri na wok, enggendumu iri na me-nen yip togolat-nen tepan yogolar-e: ”Nagawan Indo wa-e. Kat kilirag-e enabuwa ki-o. Kat kilirag-e kat-nen keya unpugunmu, kopkap tobok yogola, ap enlem erep-nen eneyaruk yogolar-e: ’It Enmbal Pem Nagawan-e ngge me worasu-o?’ luk yuwa naru, keya unpurak pug-o” luk yuwakluk yak ender-o.

MIKA 7:10

Nanduk nit nunuwim nap-nen pesel nonpogolat-nen yogolar-e: ”Kit-nen idnak Nagawan Indo, Kenmbal Pem Nagawan iri na-ge ngge me worasu-o?” luk yiga-t nde, yawo Nagawan Indo-nen nit nenmanggim kwarusu ereba na karug-e, ir-e innggiri yuwa-o. Nde, nit nunuwim nab-e urugwe nggwe rak unpuruk, tulama miril yumndugwi nggal unuwok tebere rak onpogolat, nenlengen-nen kul-o.