NDAWI ENGGA 40:3 - Nanduk Ngget Tul Pidnak Wene

³ At-nen-e ndawi ngget misik an-nen yurak ndawi mirik nobosolar-e, nit Nenmbal Pem Nagawan erembel wanurak ndawi irit mirik nibij-o. Ap kwarat-nen at yik karug-e, kwiye yuruk, Nagawan Indo ebem inndi wat tak puwa-o.

NDAWI ENGGA 40:3 ပူးပေါင်းရင်းမြစ်များ

NDAWI ENGGA 119:133

Kat-nen ”Kwat kibimin-o” luk urul yak nirigen ndak ndag-et an tu nosola-ge, kat-nen tena nuburuk ni-o. Meya kwarugwi elem-nen an kamat nubuwakluk keya nuburak pug-o.

NDAWI ENGGA 142:7

An-e o kubu me-nen wisirik nubugunmu, kat-nen konak nak kwat noboso iri bem-e kat kilirak ndok worak ennggendumu-nen kat kerembel wanimin-o.

NDAWI ENGGA 27:5

An nindi kabak yoso tarem-e Nagawan Indo-nen kura nubusu-o. At-nen-e at ama kura nubusu-o. At-nen-e kerep ndobo tup mberengtak pem nibil lasu-o.

NDAWI ENGGA 33:3

Ndawi ngget irit Nagawan Indo ebem ngarurag-o. Iri yogolar-e, kecapi poba ene mondok kwara ene rak pogolat kenalen pem ndawi nggu lek kudtag-o.

NDAWI ENGGA 37:23

Nagawan Indo-nen-e lit kuruk at-nen mbururak urulabiyem-et ibil mburusu-o. Ap konag-et worala, ebem Nagawan Indo alen kaso nab-e mondok tugup lak tak poso-o.

NDAWI ENGGA 69:3

An-e yongga nururak pem wene mbo keberenak mbot nebabok lak yosolat, nurusu-ge manggo yagij-o. Nembal Pem Nagawan-nen yongga niril lobok yugun-o luk yik keyarok mbot nerengen mep worok yusu-o.

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

YIDNAK YIDNAK WENE 4:4

Alat nde, it-nen yidnak wene kuluruk, inndi angin tubu yiga nab-e ap nag-e lima ribu (5,000) nggal-o.

NAM PARA WENE 14:3

Nde, it-nen ndawi ngget misik yogolar-e, nagawan koreyak woraso ondoro bem koreyak worasu na min untugup worak mende empat ereya na min enne kulugwi nap min inmbiri bem ndawi iri-ge yiga-o. Nde, nggweyak ma yu me-nen onnggo bidnak nap seratus empat pulu empat ribu (144,000) iri nak-nen ndawi iri enaru-o.