NDAWI ENGGA 40:17 - Nanduk Ngget Tul Pidnak Wene

¹⁷ An-e ndeyak, nisilobulo lag-et nde, Nagawan Indo kat-nen lombot nubusu-o. Kar-e yongga norosolat, an nimiri yosolat yoso-nen yusu-o. Nembal Pem Nagawan wa-e. An yongga nururak pem-e erog-et kwarusu meyog-o!

NDAWI ENGGA 40:17 ပူးပေါင်းရင်းမြစ်များ

NDAWI ENGGA 34:4

An-nen Nagawan Indo eram tepan yosola, at-nen onggo yij-o. Onggo yosolar-e, an-nen kwiye kaso oboksa lak tak pij-o.

NDAWI ENGGA 34:6

Ebe lak mende nggal yik eneyagwi nap ereba na-nen nde Nagawan Indo eram wene mbo bil lagola-ge, Nagawan Indo-nen kuluruk, enne erep nggarosolar-e, anggun panggun kagwi oboksa arem-nen wisirik onposo-o.

NDAWI ENGGA 40:5

Nagawan Indo Nembal Pem Nagawan wa-e. Kat-nen-e kwarat kwat nonposo-o. Kat kimin ndak ndak wururag-e mondok lak-nen yusu-o. Kat-nen nit kwat nunpurak yusu-ge mondok wi yurak me, an-nen oboksa ndindururak na mondok meya-o.

NDAWI ENGGA 69:33

Nagawan Indo-ge insilobulo lak nap enne-ge koloso-o. At ilirak o kubu me worali nab-e meme rak onposo bug-o.

YESAYA 41:17

An nelem nap inmbiri lamut iri-nen yi kore yogolat, yi nere-nen enma umbuk yosolat kwarogola-ge, Nagawan Indo an-nen-e it-nen tepan yuwa-ge enne ereb-e nggarimin-er-o. Isarael nap Enmbal Pem Nagawan an-nen-e it keya inpimin pug-o.

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

IBERANI 13:6

Iri bem-e nit-nen te-t yogolar-e: ”Nagawan Indo-ge an yongga noroso me, an-e kwiye kamin pug-o. Ab-e ta nggal-nen an nimin yuwa-o?” luk yurag-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

1 PETERUS 5:7

Ar-e kit kwara lombot konposo me, kir-e kunmud kagwi mende pidsa-ge at eram nak keya ber-o.

NAM PARA WENE 22:20

Wene yeba oboksa kinggiridnak nap-nen yosolar-e: ”Ndemerer! An-e ndag-et nak lobok yimin-o!” luk yij-o. Ndemerer-o! Nagawan Indo Yesus wa-e. Lobok yi-o!