NDAWI ENGGA 40:11 - Nanduk Ngget Tul Pidnak Wene

¹¹ Nagawan Indo wa-e. Kar-e nabuwa kaso iri na-ge pok tak purak pug-o. Kat-nen tugup lak enabuwa kaso bem pempa nggetlel nuburuk wolmin-o.

NDAWI ENGGA 40:11 ပူးပေါင်းရင်းမြစ်များ

NDAWI ENGGA 23:6

Kat-nen an konak kwat nobosolat, pempa nabuwa kasu iri-ge an-e naru-o. Nde, an woralar-e, kat kama-t woramin-o.

NDAWI ENGGA 43:3

Kat-nen tugup lak woraso-ge yaya rak nobosolat, ndemel nuburuk kat kondobo Sion marak iri na bem tuguruk nibil mborosolat, kat kama kat woraso sa iri na me nibil mborosolat makluk an neram pil lobok yi-o.

NDAWI ENGGA 69:13

Alat nde, Nagawan Indo wa-e. An-e kat keram tepan yusu-o. Mbal Pem Nagawan wa-e. Kat-nen kindingen yidnak tarem-e nene erep nggari-o. Kat-nen enabuwa kwarat kasolat, tugup lag-et ap inmiri yoso elem pem yongga niri-o.

NDAWI ENGGA 69:16

Nagawan Indo wa-e. Kar-e kindi konak pem irit enabuwa yoso me, an nene erep nggari-o. Kat-nen enabuwa yoso-ge nggok me, nden karuk yik niyudtak kindi min-o.

NDAWI ENGGA 89:2

An-e naru-o. Kat-nen enabuwa kaso iri-ge pok tak pigit lak, pem irit kaso-nen yusu-o. Kat-nen mot mot tugup lak kwaroso-ge mbal nggal pem irit woraso-o.

NGGOMO WENE 20:28

Nagawan-nen nde tena unpuruk worasolat-nen enabuwa yosolat, lud tak nak mot mot kwarosolat worala-ge, at iri-ge pem irit nagawan it enanggul pem wolma-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.