NDAWI ENGGA 40:10 - Nanduk Ngget Tul Pidnak Wene

¹⁰ Inmiri yurak wene iri na-ge an narik narem na-ge yemndak pigit lag-o. Kat-nen tugup lak yongga nenderenak woraso wene iri na-ge pempa an-e yak ondosolat woraso-o. Kat kilirak ndok worak ennggendumu-ge an nene lak woraso bug-o. Alat nde, kat-nen tugup lak nenabuwa kaso wene iri na-ge wigal tenak woraso-o.

NDAWI ENGGA 40:10 ပူးပေါင်းရင်းမြစ်များ

NDAWI ENGGA 22:26

Enarengge lak nab-e kwarat nonggolat inmbit ma-o. Nagawan Indo eram lobok yuwa nap-nen-e at erembel wanuwa-o. Kir-e yamuksa pem irit woralik nalik irit wolmer-o!

NDAWI ENGGA 34:6

Ebe lak mende nggal yik eneyagwi nap ereba na-nen nde Nagawan Indo eram wene mbo bil lagola-ge, Nagawan Indo-nen kuluruk, enne erep nggarosolar-e, anggun panggun kagwi oboksa arem-nen wisirik onposo-o.

NDAWI ENGGA 89:1

Nagawan Indo wa-e. Kat-nen nenabuwa kwarat kaso iri na bem an-e pempa ndawi ngarosolat woramin-o. Kat-nen mot mot tugup lak kwaroso-ge pem irit wigal tenak woramin-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESKIEL 2:7

Kar-e an-nen kebem pimin wene-ge oboksa yak undurag-o. It-nen-e kuluwa, lak, lag-a? Iri-ge it enpem-o. Yak nak undurag-o. Nde, it iri-nen wene eyak wurugwi-ge kar-e karu nar-o.

MIKA 7:20

Nanduk kwat nunpurak urul nonmborak yak indigen iri na ndak ndag-et kat-nen tugup lak kwat onposo min kat-nen kundugu enabuwa kaso min iri na-ge kat kilirak Abarakam min Yakup min-nen wigarak irit mirik nunpugun-o.

LUKAS 3:6

Nde, ap yi wi ndi wi oboksa-nen Mbal Pem Nagawan-nen ap inmiri yosola, kujwa-o’ ” luk mbarij-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

OROMA 10:3

Mbal Pem Nagawan-nen ap lud tak nak unpurak kwaroso iri-ge ir-e nenaru buk me, it inndi-n pidnak pem lud tak nak unpuwa-o luk peragolar-e, ir-e Mbal Pem Nagawan indi-nen pidnak na kwatli bug-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

1 TESALONIKA 1:8

Nagawan Indo owene-ge kit kendam-nen wigak yosolar-e, Makeronia min Akaya min nak mbirigir-e lag-o. Are, Mbal Pem Nagawan ebem kinndi angin tubu yidnak wene-ge yi wi ndi wi wigak yij-o. Iri bem-e, nit-nen wene mbi yurag-e lag-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.