NDAWI ENGGA 37:40 - Nanduk Ngget Tul Pidnak Wene

⁴⁰ Nagawan Indo-nen it yongga ondosolat, inmiri yosolat kwaroso-o. It iri-ge at eram kura woragwi me, meya kwarugwi nap ininggem-nen mengga keya onposo-o.

NDAWI ENGGA 37:40 ပူးပေါင်းရင်းမြစ်များ

NDAWI ENGGA 27:2

Meya kwarugwi nap-nen an nuruwokluk an nebem kore yukmu-ge, it nde unuwok pijaksa mbud yugwi-o.

NDAWI ENGGA 34:20

At ebe-ge Nagawan Indo-nen kwara yik karok worala, at owag-e misiger-o luk mbi mondok kalak pigit lag-o.

NGGOMO WENE 20:22

Meya kwat konpogola-ge, onggo onggo kwarurak pug-o. Nagawan Indo ebem kinndi wat tak puruk wolmer-o. At-nen-e yongga-t kunduwa-o.

YESAYA 31:5

Towe-nen amarik imiri yosolat uwima tuburusu iri na nggal Nagawan Indo Mondok Namawi Worak an-nen na Yerusalem nggetlel obosolat, imiri yosolat kwarimin-o” luk yij-o.

YESAYA 46:4

An-e pem irit kit Kenmbal Pem Nagawan irit worasoma, kir-e kindi worak yogolat, an-e pem irit yik keneyarok worasoma, kenkeren mborosolat kwarusu-o. An-net ndak worak kunpuruk, ndegel konposolat woraso-o. Abok an-net yongga kondosolat, kinmiri yosolat yimin-o” luk yij-o.

NDANIEL 3:17

Kan nggok mabidnak amare iri arem-nen na irit, kat kinggiyapma-nen na irit, nit-nen erembel wanugwi Nenmbal Pem Nagawan iri-nen nde ninmiri yek nde yosolar-e, ndemeret ninmiri-t yuwa-o.

NDANIEL 3:28

Iri ala karuk, nagawan-nen yosolar-e: ”Sanderak min Mesak min Abetnego min-nen erembel wanugwi Mbal Pem Nagawan iri nak erembel wanurag-o. At iri-net at ebem inndi angin tubu yidnak, at ndegel ubugwi nap ereya-ge inmiri yuwakluk at-nen idnak aid nap inpil lobok yamu, inmiri yij-o. It iri-ge an nene tara keya buruk, wat yurak irit indingen tak puruk, kugwiwak nin nan ereba na-ge endam tud luk, erembel wanurak larok yogolar-e, it ondomok Enmbal Pem Nagawan iri nag-et erembel wanugwi-o.

NDANIEL 6:23

An Nembal Pem Nagawan-nen-e at-nen idnak aid nab-e pil lobok yamu, aid nap-nen singa ndakngge yeba emnde yimaga keya bamu, we sil tet neyagit lak yij-o. Nde, Mbal Pem Nagawan-nen an nimiri yid iri-ge an-e Mbal Pem Nagawan imin na irit, nagawan kat kimin na irit, meya kwarigit lak pem-net nimiri yij-o” luk yosola kulij-o.

1 YOANES 5:18

Mbal Pem Nagawan ilirag-e Mbal Pem Nagawan Ambara-nen nggitlik unpuruk woraso me, meya kwat tenak worali bug-o luk nenaru-o. Nde, Meya Kwaroso Nap-nen na yi lik ndi lik kwat unpuwa bug-o.