NDAWI ENGGA 37:34 - Nanduk Ngget Tul Pidnak Wene

³⁴ Nagawan Indo ebem nak kindi wat tak puruk woralat, at-nen kebem pidnak nak kwarosolat wolmin-o. Iri kwarosola-ge, o nggweyak iri winde yurak pem mendak kubuwa-o. Nde, meya yugwi nab-e lak tak onposola kagun-o.

NDAWI ENGGA 37:34 ပူးပေါင်းရင်းမြစ်များ

NDAWI ENGGA 112:8

At-nen at imin sirid nab-e ”Ndemeret urugwe nggwe rak inpimin-o” perarug-e, umud lak, tugup lak irit wolma-o.

NDAWI ENGGA 112:9

At arengge-ge we irit insilobulo lak nap tembesa wok undusu-o. Ar-e pempa konak nak kwarosolat me, at nak mondok kek tak obogolat wolma-o.

NDAWI ENGGA 27:14

Kindi-ge Nagawan Indo ebem nak mbung mbung tak puruk wolmin-o. Kindi-ge tugup lak, uwi ya irit wolmin-o. Ye! Nagawan Indo ebem-et kindi mbung mbung tak puruk wolmin-o.

NDAWI ENGGA 37:3

Kir-e kinndi-ge Nagawan Indo ebem wat tak puruk, konak nak kwarogolat wolmer-o. Kir-e o nggweyak iri na me woragolat, tugup lak irit wolmer-o.

NDAWI ENGGA 37:7

Kir-e kinndi yamuk tak pem-et Nagawan Indo yik karok wolmer-o. Mamak puruk irit towarak worakmu, at-nen kwaruwag-o. It-nen kwarugwi bem ebe worak nak kwarogolat, enmberam lagolat kwarogola-ge, ”O” luk, kinndi kabak yurak pug-o.

NDAWI ENGGA 37:9

Meya kwarugwi nab-e lak tak unpuwa-o. Alat nde, Nagawan Indo ebem inndi mbung mbung tak wolma nab-e o nggweyak iri-ge winde ma-o.

NDAWI ENGGA 91:8

Kar-e keralu inggi inggi ereba na yik kagun nggal-e, meya yugwi nab-e it-nen kwaridnak pem onggo ondogola, kagun-o.

NGGOMO WENE 20:22

Meya kwat konpogola-ge, onggo onggo kwarurak pug-o. Nagawan Indo ebem kinndi wat tak puruk wolmer-o. At-nen-e yongga-t kunduwa-o.

MATIUS 24:13

Alat nde, ta-nen nde irit momak puruk worasoma, woroksiyem wok yuwa nab-e imiri yuwa-o.

LUKAS 14:11

Nde, ap-nen at ondomok kek yuwa nab-e teberak ubuwa-o. Nde, at ondomok indi tebe yuwa nab-e kek tak ubuwa-o” luk yij-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

1 PETERUS 5:6

Iri bem-e, at indi-n pidnak tarem wok yosolar-e, Mbal Pem Nagawan-nen kek tak kunpuwaklug-e, kir-e amawi winde Mbal Pem Nagawan inggiyapma kit kondomok kinndi tebe luk wolmer-o.