NDAWI ENGGA 37:31 - Nanduk Ngget Tul Pidnak Wene

³¹ Embal Pem Nagawan-nen idnak imiri mbarak pidnak wene-ge at indi arem puruk woralar-e, imiri mbarak pidnak wene iri na keya buruk, lugud tak nggwe mboroso bug-o.

NDAWI ENGGA 37:31 ပူးပေါင်းရင်းမြစ်များ

NDAWI ENGGA 1:2

Alat nde, it ereba na-ge Nagawan Indo-nen ”Iri nggal kwarurag-o” yidnak wene nak enalen min kwarogolar-e, Nagawan Indo-nen ”Iri nggal kwarurag-o” yidnak iri bem kubu-nen lengge-nen yebet yebet tak woragwi iri-ge

NDAWI ENGGA 119:98

An nuwim nap enabiyem yimin naru nindi nggat nggat tak worak poso kat-nen kwarurak nebem pidnak wene iri na-ge an-e pempa nindi yebet kasolat worasu-o.

NDAWI ENGGA 121:3

Wosa mbonokluk keya kubuwa-ge lag-o. Nggetlel kuburuk woraso nab-e pempa nene yoso bug-o.

NDAWI ENGGA 37:23

Nagawan Indo-nen-e lit kuruk at-nen mbururak urulabiyem-et ibil mburusu-o. Ap konag-et worala, ebem Nagawan Indo alen kaso nab-e mondok tugup lak tak poso-o.

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

NDAWI ENGGA 40:9

An-nen-e kilirak ndok worak ennggendumu enalen kudtak wene yak ondosolar-e, kat-nen ninmiri yoso wene yak indigi-o. Iri kwarosolar-e, an-e ndong yigit lak, mondok yak ondosolat woragi-o. Iri kwarigi oboksa-ge kar-e karu-o, Nagawan Indo wa-e.

NDAWI ENGGA 73:2

Alat nde, an nindi kabak yigi-o. An-nen nindi angin tubu yidnag-e komo ondoro yij-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

TUGURUK YIDNAK WENE 6:6

Kit-nen kwarurak watsa kenpem Pidnak yawo yak kundusu yeba-ge mondok meme rak purak pug-o.

IBERANI 8:10

Nde, Nagawan Indo-nen yosolar-e: ’Alat nde yawo-ge Isarael nap inmin urul paga yak indimin wene na-ge yur-o: Abok woragolar-e, an-nen-e imiri mbarak pidnak wene iri na waga it inndi arem posolat, wene na-ge it inndi bem mbarosolat yimin-o. An-e it Enmbal Pem Nagawan kwat yosolat, nde, ir-e an nelem nap kwat yogolat mul-o.