NDAWI ENGGA 37:3 - Nanduk Ngget Tul Pidnak Wene

³ Kir-e kinndi-ge Nagawan Indo ebem wat tak puruk, konak nak kwarogolat wolmer-o. Kir-e o nggweyak iri na me woragolat, tugup lak irit wolmer-o.

NDAWI ENGGA 37:3 ပူးပေါင်းရင်းမြစ်များ

NDAK WIRIDNAK WENE 26:2

Iri kwarosola karug-e, Nagawan Indo Isak eram wok yosolat-nen yak tosolar-e: ”Kar-e an-nen yak kirigi iri na ndak ndag-et worasu sa yu me-t wolmin-o. Mesira wi-ge mbururak pug-o.

NDAK WIRIDNAK WENE 26:3

Nde, an-nen-e nggetlel kuburuk nosolat, imbiringgat tak kobosolat woramin-o. Nde, nggweyak yu-ge oboksa kat wok kurumu, kat-nen wigarak-nen winde yuwa-o. Nde, an-nen-e keid Abarakam ’Inik nggal kwat kibimin-o’ luk urul yak tigi iri na ndak ndag-et kwat kibimin-o.

1 NAGAWAN NAGAWAN-NEN KWARIDNAK WENE 19:6

Yosoloma, men yosolat eralu ereba na mbenarosoma-ge, anggul ndug-e oroti wora misik min yimbe yi kenanggo misik min worasoma, kagaij-o. Karug-e, oroti min yi min ereya na nurug-e, tuguruk mbiring yij-o.

NDAWI ENGGA 33:19

It iri-ge wat yugwi inggiyapma-nen Nagawan Indo-nen inmiri yoso-o. At-nen nogoro bem unluk tak posolat woraso-o.

NGGOMO WENE 3:5

Ndemeret kindi misiget tak puruk, Nagawan Indo ebem nak wat tak wolmin-o. Kat-nen yebet kaso iri na bem kindi wat tak puruk wolmomtak pug-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

LUKAS 22:35

Iri luk, Yesus-nen it yak ondosolar-e: ”An-e nanduk wirik konposolar-e: ’Kot manik min sum min kunuwok sum min waruk mbururak pug-o’ luk yak kundukmu, waruk mbirigit lak yigepndig-e, kir-e ndak nigep, lak? Are, meya-a?” luk yak ondosoloma-ge, ”Lag-o. Mondok ndak nige-o” luk yiga-o.

TUGURUK YIDNAK WENE 30:20

Nagawan Indo Kenmbal Pem Nagawan abuwa kagolat, mot mor-et at-nen yidnak yidnak nak kwarogolat wolmer-o. Iri yogola-ge, kit min kit-nen wigarak min-e Nagawan Indo-nen o konmborak Abarakam min Isak min Yakup min wok kindimin-o luk urul yak indid o iri na me woragolat, kunluk mot pem-et woragub-o” yij-o.