NDAWI ENGGA 37:25 - Nanduk Ngget Tul Pidnak Wene

²⁵ An nusujwe woragi kuri yawo nindi worak kuri woralar-e, Nagawan Indo-nen-e lud tak nak kwarugwi nab-e wesera mbi keya onposola, eneyaso bug o. It inlirak-nen nggi nggi yogola mbi eneyaso bug-o.

NDAWI ENGGA 37:25 ပူးပေါင်းရင်းမြစ်များ

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

AYUP 4:7

Kwara yebet ki-o. Ab-e meya kwarugwi buk mbi lak tak onposo mende angin worak yeba nggal-e enpem mboso-a?

NDAWI ENGGA 112:2

It inlirak-nen-e nggweyak yu tena buruk wolma-o. Konak kwarugwi nap-nen nderag-e Nagawan Indo-nen inmbiringgat tak unpuwa-o.

NDAWI ENGGA 37:28

Nagawan Indo-nen-e konak mot mot kwarugwi iri-ge mondok indi kundik me, ap tugup lak at-nen yidnak yidnak kwarugwi iri-ge we kasa ereba-t liringsa keya onposo bug-o. Ar-e pem irit nggetlel unpuruk irit woraso-o. Alat nde, meya yugwi nap-nen wigarag-e mondok lak tak unpuwa-o.

NGGOMO WENE 13:22

Konak nab-e at arengge mende-ge at omborak enmanggim keya boso-o. Alat nde, meya yoso nap iri na arengge ndak worak woraso iri-ge lud tak nak woraso nap iri na arengge ma-o.

YIDNAK YIDNAK WENE 21:16

Lagola-ge, Yesus ene wanugwi nap Kaisaria woragwi nap ereb-e nit ninmin lagolar-e, nit wolmomtak sa Siperus nap Menason ama ninpil mbiriga-o. Nde, Menason iri-ge nanduk-net Yesus ene wanidnak nab-o.

2 KORINTUS 4:9

Lel mberel ninpidnag-et nde, nenarik keya ninpigit lag-o. Nggwin yaga mberak ninpidnag-et nde, wat yigit lag-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

YOSUA 1:5

Yosua kat worala-ge, an-nen nanduk Musa imin worasu iri na nggal-et pempa kat kimin woramin me, ap misiger-o luk mbi-nen kat urugwe nggwe rak kubuwa bug-o. An-e mondok keya kibimin pug-o.

1 SEMUEL 12:22

Nagawan Indo-nen owak mbarosolat-nen yosolar-e: ’Ir-e an nondomok nilirak tak inpimin-o’ luk yidnak me, at-nen-e mondok keya kunpuwa bug-o.