NDAWI ENGGA 37:11 - Nanduk Ngget Tul Pidnak Wene

¹¹ Nde, inndi teberak nab-e o nggweyak iri winde ma-o. Winde luk woragolar-e, yi mende ndi mende bem ndak woralat enalen pem irit wolma-o.

NDAWI ENGGA 37:11 ပူးပေါင်းရင်းမြစ်များ

NDAWI ENGGA 72:7

At-nen mot mot kwaroso-ge at worala tarem-e nggok yosolat wolmag-o. Waneya worala tarem-e at-nen tenagidnak wi-ge yi mende ndi mende bem-e liring liring mborosolat wolmag-o.

MATIUS 5:5

Nde, inndi yanggonak worali nab-e Mbal Pem Nagawan-nen urul yak indidnak irit wanuwa me, enalen kali-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

PILIPI 4:7

Iri kwarugup ala-ge, ki nap inndi nggat nggat iri-ge teberag-o. Nde, Mbal Pem Nagawan-nen idnak lambuksa woragwi elem terak minik iri-nen Kerisut Yesus ebem-nen kit kinndi min yebet kagwi min-e parugu wolma-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

YAKOBUS 1:21

Iri bem-e kop kap tobok tak poso mende pidsa min meya kwarat kwarugwi mende oboksa min mbo buruk, Mbal Pem Nagawan-nen kit kinndi arem aid wene yagaid na-ge kinndi teberak pem-nen wanogolat wolmer-o. Aid wene na-ge kit kinmiri yurak pem amawi mondok ndak-nen yusu-o.

YAKOBUS 3:13

Kit kennggendumu ap mbi indi tenggerak, indi nggat nggat worak mbi worala-ge, at-nen woraso abage konak iri na bem-nen nam tak posolar-e, konak nak kwarosolar-e, indi teberak, indi nggat nggat worak irit kwarosolat wolmag-o.