NDAWI ENGGA 34:22 - Nanduk Ngget Tul Pidnak Wene

²² Nagawan Indo-nen-e at ndegel ubugwi nap inmiri yuwa-o. Nde, at indipma lumurak worali nab-e angin worak enpem puwa bug-o.

NDAWI ENGGA 34:22 ပူးပေါင်းရင်းမြစ်များ

NDAK WIRIDNAK WENE 48:16

Lak tak nuburak inggem-nen nimiri yoso aid nap iri-nen-e li ya-ge imbiringgat tak unpuwag-o. Li ya enpem-nen an nunu min Abarakam unu min Isak unu min-e ki irit wolmag-o. It ya inlirak-nen li kwarat ndakola, it-nen wigarag-e kwarat mag-o” luk yij-o.

1 NAGAWAN NAGAWAN-NEN KWARIDNAK WENE 1:29

Lobok yosoloma, Nagawan Ndaut-nen Mbatseba yak tosolar-e: ”Ndemeret an-nen Isarael nap Enmbal Pem Nagawan, Nagawan Indo unu bem ndemeret kat yak korosolar-e: ’Kambara Salomo irit an nondolma-ge nagawan men ma-o’ yak kirigi iri nar-o. Iri ala-ge, yawo-ge Nagawan Indo uruk nak woraso iri-nen anggun panggun arem-nen wisirik noboso iri na owag-o. Yawo yu-net an-nen urul yak kirigi iri na kwarimin-o” luk yak tij-o.

NDAWI ENGGA 103:4

Yapma-nen kimiri yusu-o. Enabuwa kaso elem min unpud kaso elem min-e kwarat kebem pusu-o.

NDAWI ENGGA 130:8

At ilirak Isarael nap-nen lugud tak kwarugwi inggem-nen at-nen-e wisirik unpuwa-o.

NDAWI ENGGA 37:12

Meya yoso nap-nen-e konak nap iri na meya rak uburak pem wene mbarak puruk woralat, yik kasolar-e, isili min yik kaso-o.

NDAWI ENGGA 37:15

Alat nde, meya yugwi nap ereba na-ge ondomok enkabo bem kundugu onpogolat, ensan-e kalak puwa-o.

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.