NDAWI ENGGA 34:21 - Nanduk Ngget Tul Pidnak Wene

²¹ Meya kwarugwi nab-e it-nen meya kwarugwi bem-et wat ma-o. Nagawan Indo inndi aye worak woragwi nap insili rak pugwi nab-e onggo angin worak wanuwa-o.

NDAWI ENGGA 34:21 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:37

Nde, Nagawan Akap iri na-ge wat yamu alama, waruk mbirigarik, Samaria iri me yapma ibiga-o.

1 NAGAWAN NAGAWAN-NEN KWARIDNAK WENE 22:8

Yosoloma, Akap-nen onggo yosolar-e: ”Misik worasur-o. Iri-ge Yimla ambara Mika worasu-t nde, at iri-ge an nindi-n pidnak konak iri na-ge ’Iri nggal kwat ma-o’ luk yak noroso buk. Are, an nisili kaso ereba na nde ’Iri nggal kwat ma-o’ luk yak noroso me, an-e nisili rak poso-o” luk yak tij-o. Yosoloma, Yosapat-nen onggo yosolar-e: ”Kar-e iri nggal yusu-ge meyog-o” luk yak tij-o.

NDAWI ENGGA 40:15

Ap an nda nitli nab-e wendet luk, innggiri yuwag-o.

NDAWI ENGGA 89:23

At uwim nab-e an-nen mondok lak tak inpimin-o. Ta-nen nde at imin insili yuwa nab-e oboksa indimin-o.

MBIRIGA WENE 12:46

Nde, lomba wam iri nonggolar-e, mbepme-ge mondok waruk mbururak pug-o. Ma nak-nen norag-o. Nde, owag-e misiger-o luk tet kalurak pug-o.

MBIRIGA WENE 20:7

An-e Kenmbal Pem Nagawan, Nagawan Indo me, kir-e an nunu-ge we ereba-t yurak pug-o. Ta-nen nde an nunu we kasa ereba-t yuwa nab-e enpem angin worak pimin-o.

NGGOMO WENE 24:16

Mot mot woraso nab-e wosa mberenak wolma-t nde, pempa men yik tenag-et wolma-o. Alat nde, meya yugwi nab-e lak tak onposo mende-nen mondok yigisa lak tak unpuwa-o.

LUKAS 19:14

Alat nde, ap kek tak na elem nap-nen at insili rak puruk, at imbirik ap wirik onpogolat-nen yosolar-e: ’Ap iri-ge nit nennggendumu nagawan mendak purag-e ninmbir-o’ luk yiga-o.

LUKAS 19:27

Nde, an nimin wim nap an it ennggendumu nagawan wolmomtak insili yiga nap iri-ge wok unpuruk lobok luk, an nimbiri bem pidsa ender-o’ ” luk yij-o.

YOANES 7:7

Ki nap pidsa-nen-e kir-e insili rak kunpuwa bug-et nde, an-nen-e: ’Kit-nen kwatli mende meya nak kwatli-o’ luk yak undusu me, insili rak nibili-o.

2 TESALONIKA 1:6

Mbal Pem Nagawan-nen mot mot nak kwarosolar-e, kit andi bandi rak kinpili nap na enpem-e at-nen-e andi bandi mende enpem puwa-o.

2 TESALONIKA 1:9

Iri kwarugwi nap onggo wok ondosolar-e, Nagawan Indo eram-nen abu abu-t mbo unpuwama, woralik nalik woragolar-e, at-nen kek tak woraso amawi eram-nen ir-e nuruk tak irit wolma-o.

1 SEMUEL 31:4

Iri yikma, Saul-nen ap sujwe at esan waruk noso nap iri nak yak tosolar-e: ”An-e Nagawan Indo enaru buk nap ereba-nen tena nuburuk pesel nebaga keya nuburuk nururag-e mondok nimbit me, kat-nen yalawi iri lit yaga niri-o” yak tij-o. Alat nde, ap sujwe iri na-nen-e Saul iri na kwara kek tak oboso me, wururag-e kwiye-nen larok yij-o. Iri ala karuk, Saul na-ge at ambik eyalawi iri na sindik puruk indi-net yebaksa ambik eyalawi anggat pem mbosolat, wat yij-o.