NDAWI ENGGA 34:2 - Nanduk Ngget Tul Pidnak Wene

² Nagawan Indo-nen kwarusu bem-e an-e at erembel wanusu-o. Nde, anggun panggun arem woragwi nab-e iri wene kuluruk, enalen kagolat wolmag-o.

NDAWI ENGGA 34:2 ပူးပေါင်းရင်းမြစ်များ

AYUP 1:21

yosolar-e: ”An ndet yosolar-e, ngenwa-t ndesa mbukmu-o. Wat yosolat na we ngenwa irit wat yimin-o. Nagawan Indo at-net wok niridnak me, wanosolat na at-net wanij-o. Iri ala, at unu nak kek tak wolmag-o!” luk yij-o.

NDAWI ENGGA 105:3

At iri-ge Nagawan Indo mondok misiget nak-nen yusu-o. Nir-e at arengge me, nenalin nenalen kagolat wolmog-o. Nagawan Indo erembel wanogolat tebe yili nab-e enalen kagolat wolmag-o.

NDAWI ENGGA 142:7

An-e o kubu me-nen wisirik nubugunmu, kat-nen konak nak kwat noboso iri bem-e kat kilirak ndok worak ennggendumu-nen kat kerembel wanimin-o.

YESAYA 45:25

Alat nde, Yakup-nen wigarag-e inmiri yosola, it-nen-e Nagawan Indo an nerembel wanuwa-o.

YEREMIA 9:24

Ta-nen nde yi mende ndi mende bem indi kek yurak ala-ge, at-nen an aru yosolat, yebet neyasolat, an-nen pem irit enabuwa kasolat, an-nen mot mor-et ’Iri nggal kwarurag-o’ luk watsa posolat kwaroso wene ereba na bem-net indi kek yosolar-e ob-o. Ereba oboksa kwarogola-ge, an-e nindi alen tak pugub-o.’ Nde, an-e Nagawan Indo-nen yak kindigi-o” luk yij-o.

1 KORINTUS 1:31

Iri ala-ge, Mbal Pem Nagawan engga mbarak pem-nen yosolar-e: ”Ta-nen nde indi kek tak posolat ala-ge, Nagawan Indo ebem-net indi kek tak puwag-o” luk yij-o.

2 KORINTUS 10:17

Alat nde, Mbal Pem Nagawan engga bem-nen yosolar-e: ”Ta-nen nde indi kek tak posolar-e, Nagawan Indo ebem-nen indi kek tak puwag-o” yij-o.