NDAWI ENGGA 33:4 - Nanduk Ngget Tul Pidnak Wene

⁴ Nagawan Indo emndam-nen wirik pidnak wene-ge ndemerer-o luk yebet kudtag-o. At-nen kwaroso mende-ge oboksa tugup lak ndak ndak kwaroso-nen yusu-o.

NDAWI ENGGA 33:4 ပူးပေါင်းရင်းမြစ်များ

NDAK WIRIDNAK WENE 24:27

yosolar-e: ”Nagawan Indo an nonggo bid nap Abarakam Embal Pem Nagawan wiwa-o. Nde, Nagawan Indo iri-ge mondok mot mot nak at ndegel oboso nap Abarakam urul yak tidnak irit ndak ndak tak pij-o. At ambigir-e kindi konak yusu-o. Nde, kat-nen-e an lit nuburuk nok nok Abarakam owe owot woraidnak sa enndam nibil lobok yigen-o” luk tepan yij-o.

NDAWI ENGGA 119:128

Iri bem-e an-e kat-nen mirik nibidnak oboksa ndak ndag-et kwarosolat woramin-o. Nde, lugud tak kwaril mburugwi iri-ge an-e nisili-o.

NDAWI ENGGA 19:8

Nagawan Indo indi-n pidnak wene iri-ge ndemeret ap inndi alen tak poso-nen yusu-o. Nagawan Indo-nen ”Irit kwarurag-o” luk pidnak wene iri-ge inndi ngarak posola, nam-et yenggerak poso-nen yusu-o.

NDAWI ENGGA 96:13

Iri yugup iri-ge Nagawan Indo-ge nggweyakma wi yu me tenageyekluk lobok yosolar-e, at-nen ap enlem oboksa enpem wene mbenarosolar-e, ndemeret mot mot, lud tak pem-et enpem wene mbenaruwa-o.

NGGOMO WENE 30:5

Mbal Pem Nagawan-e ’Irit kwat kinpimin-o’ luk urul pidnak iri-ge oboksa ndak ndag-et kwaroso-o. Kwiye-nen at eram mbitli nap oboksa undumno nggal kwat yusu-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

MIKA 2:7

Kat kindi-nen-e Isarael nab-e Nagawan Indo-nen imbiri lamut tak enpamu-o luk yebet kasu-a? Nagawan Indo-nen-e iri nggal-e kwaruwa bug-o. At-nen mamak puruk woraso-ge iri-ge pok tak poso-a? At iri-ge ap ndemeret mot mot kwarugwi nap inmin-e wene-ge konak nak ndamoso iri na-ge lag-a?” luk yiga-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

OROMA 7:12

Nde, imiri mbarak pidnak wene-ge marak-nen yusu-o. ”Iri nggal kwaru-o” yidnak wene-ge marak, mot mot, konak-nen yusu-o.

TUGURUK YIDNAK WENE 32:4

Nagawan Indo yongga kondoso amawi worak, yabu-ge mondok iminep mbarak nak wanosolat, at-nen kwaril mboroso oboksa-ge mot mot nak kwaroso. Mbal Pem Nagawan iri-ge mondok mot mot nak kwaroso, ap enmberam laso buk-nen yusu-o. Ar-e ndemeret mondok konak nak kwaroso.

TITUS 1:2

Enesiget yoso buk Mbal Pem Nagawan-nen o ndak wirigit lak ma-net: ”Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.