NDAWI ENGGA 33:16 - Nanduk Ngget Tul Pidnak Wene

¹⁶ Nggweyakma nap nagawan-e at-nen idnak esan ombo kwarat ereba na bem-nen ombol nggwe yoso bug-o. San ombo-ge amawi kwarat iri na bem nak-nen ondomok agap ndagoso bug-o.

NDAWI ENGGA 33:16 ပူးပေါင်းရင်းမြစ်များ

AYUP 39:11

Kar-e at amawi kwarat ala karuk, kindi-ge ebem-et wat tak puruk, keyabu nggok angin worag-e at ebem purag-e ndag-a?

MBIRIGA WENE 14:28

Yi koma na tuguruk amnuk yosolar-e, nggweyak koma min ebem kore yidnak nap min Mesira nap ap kere Isarael nap muk iniyil yi koma arem nggwiga oboksa yemen enpamu, yi koma arem pip yonggok ndonggok mbiga-o. Misiget tet mondok mbirigit lag-o.

AID WENE YOSO NAP 9:11

Nggweyakma yu me-nen erep an-nen kasolar-e: Pong kagolat ndag-et nak pong kaso nab-e pempa ombol nggwe nak yoso bug-o. Wim nggogolar-e, enmawi worak san wari iri na nag-et pempa ombol nggwe yugwi bug-o. Inndi nggat nggat worak nab-e at-nen wanoso eyabu iri na nag-et pem wanosolat woraso bug-o. Inndi tenggerak nap-nen na pempa silobulo-ge kam tenak woragwi bug-o. Yi iminep ndi iminep enaru nap na ap oboksa-nen enaru yili bug-o. Alat nde, ap oboksa-nen yanem ereba nggal-e enpem mboso-nen yusu-o.

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

AMOS 2:14

Unuwok nggarim worak-nen na mengga pong kujwa bug-er-o. Enmawi worak nap-nen na enmawi lag-et ma-o. Ap san ombo-nen na at ondomok agap ndaguwa bug-er-o.

AMOS 2:15

Ap inggi mbuk lembe-nen na pak tuwa bug-er-o. Pong kaso nap-nen na kwiye-nen ndag-et nak pong kujwa bug-er-o. Kura wam ombol pem mboroso nap-nen na mengga mburuwa bug-er-o.

WENE MBENARUGWI NAP-NEN KWARIDNAK WENE 7:2

Nagawan Indo-nen Nggireyon yak tosolar-e: ”Kat kimin mbururak nab-e kwarat me, an-nen Mirian nap urugwe nggwe rak unpuruk ir-e ombol nggwe rak inpimin pug-o. Nde, iri yimin iri-ge kat kowosirak inndi arem-nen yebet kagolar-e: ’Nit nenmawi bem-net nir-e ombol nggwe yige-o’ luk, an nerembel wanigit lak yurak ala karuk, kwarimin-o.

WENE MBENARUGWI NAP-NEN KWARIDNAK WENE 7:4

Iri luk tuguruk Nagawan Indo-nen Nggireyon yak tosolar-e: ”Kat kowosirag-e kwarat me, yi ma wok unpuruk mburugundig-e, iri me-nen an-nen lena kat kimin mbururak nap keya inpimin-o. An-nen yak korosolat nde: ’Ap yu-ge kimin mbururag-o’ yak kirimin iri nak kimin mborosolat, nde, ’Ap yu-ge kimin mbururak pug-o’ yosola-ge, mondok kimin mbururak pug-o” luk yak tij-o.

1 SEMUEL 17:4

O Nggat nap mondok yig nggoso aru nap misik unu-ge Nggoliat woragij-o. Nde, at iri na-ge Pilisin nap woragwi sa-nen Isarael nap erengenma nggal tak unpuruk undurak pem nggweyel inpil lobok yij-o. Nde, ebe mot ndak worogolar-e, tiga meter nggal-o.

1 SEMUEL 2:9

Nde, tugup lak woragwi nab-e Nagawan Indo arem yamuksa worali-o. Alat nde meya yugwi nab-e ndamuk arem yabera lak yili-o. Nggweyakma nap ondomok enmawi bem-nen-e ombol nggwe-ge yugwi bug-o.