NDAWI ENGGA 33:11 - Nanduk Ngget Tul Pidnak Wene

¹¹ Alat nde, Nagawan Indo-nen ”Irit kwarimin-o” luk yemndak pidnak iri-ge pem irit woraso-o. At indi arem-nen yemnak pidnak iri-ge tugup lak pem irit woralik nalik woraso-nen yusu-o.

NDAWI ENGGA 33:11 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 19:25

Iri kwarurak iri-ge o nanduk-net iri nggal-et kwat ma-o luk abu urul pigi iri na-ge kar-e koloso buk, lak? Urul pigi iri na-ge yawo-ge kwarusu irir-o. O siri kerep leget-nen wiridnak ereba tud tak puruk, owak nak nggilara keya burak amawi-ge an-net kinggem pukmu-o.

AID WENE YOSO NAP 3:14

Mbal Pem Nagawan-nen kwasa pidnak mende ereba oboksa-ge pem irit wolma-o luk an-e naru worasu-o. Nde, nggweyakma nap-nen-e siyak nambena pogolat, siyak lak tak pogolat kwarurag-e meya-o. Nde, Mbal Pem Nagawan-nen iri nggal kwarusu iri-ge nit-nen Mbal Pem Nagawan nak aye kagolat wolmakluk-nen kwarusu-o.

YESAYA 46:10

Abok-nen kwat momtak wene-ge nanduk-net yak kundukmu-o. Abok-nen kwat momtak wene-ge abuwokma nanduk-net urul pukmu-o. Iri yosolat-nen an-nen yosolar-e: ’An-nen irit kwarimin-o luk mbarigi wene-ge mondok kwar-et ma-o. Nde, an nindi-n pidnag-e mondok kwarimin-er-o’ luk yigi-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

MIKA 4:12

Alat nde, ap enlem ereba-ge Mbal Pem Nagawan-nen kwarurak indi arem yebet kasu ereba-ge kabak worali-o. Nggandum mbato engen lera mbuwakluk lel kudtak pem ndok wurugwi ereba na nggal angin worak nenpem peyekluk-nen ndok worak nunpusu-o lug-e ir-e enaru buk worali-o.

YIDNAK YIDNAK WENE 15:18

nanduk-net wene yu kwarosolat enaru rak pid nap Nagawan Indo-nen-e irit yij-o.’

EPESUS 1:11

Nde, Kerisut iri na ebem-net nir-e at arengge winde rak ninpid iri-ge nanduk-net at indi-nen ”Irit mag-o” luk len ninpidnak pem yi mende ndi mende kwarosolar-e, at indi-nen ”Irit timin-o” peraruk kwaroso iri na bem-nen len ninpij-o.